الخميس، 12 مارس، 2009

توعية صحية


رحنا الإسبوع اللي فات قرية اسمها العاقولة .. !!

مكناش رايحينها سياحة طبعا

دي كانت حملة توعية صحية ..

والتوعية الصحية دي مشروع تابع لمنظمة الصحة العالمية يهدف إلى الوقاية من عدة أمراض وتقليل نسبة انتشارها .. عن طريق الحملات في القرى وتوزيع البروشورات والتوعية على الانترنت

شغالين احنا دلوقتي في مرض الالتهاب الكبدي الفيروسي بي وسي

ولأن مصر ما شاء الله عليها دايما رائدة .. تقرا في الكتب العلمية إن من أهم أسباب انتشار المرض .. قيام مصر بالعلاج الجماعي لمرض البلهارسيا

كانوا بيعالجوا إزاي يا ولاد ؟

يجمّعوا الناس .. ويجيبوا علاج البلهارسيا في حاجة كبيرة زي القربة كده .. والتمرجي معاه السرنجة وهوبا في القربة هوبا في العيان .. واللي بعده بنفس الحقنة .. هوبا في القربة هوبا في العيان .. وطبعا واحد عنده التهاب كبدي .. يبقى مبروك عالقرية كلها !!

دلوقتي الالتهاب الكبدي عند أكتر من ربع الشعب المصري

المهم احنا بننزل القرى ونكلم الناس بقى

وبيدور بينّا الحوار ده

 

احنا :

" تكمن خطورة الاصابة بفيروس B أو C فى أنها قد تؤدى الى مضاعفات مثل الالتهاب الكبدى المزمن وتشمع الكبد وقد تتطور فى بعض الحالات الى الفشل الكبدى وسرطان الكبد

 

الأعراض :

لا تلاحظ أى أعراض لدى 80% من المصابين بالفيروس C و30% من المصابين بالفيروس B عند إصابتهم بالعدوى ، وقد يظهر لدى البعض أعراض الالتهاب الكبدى الحاد التى تشبه أعراض الانفلونزا بالاضافة الى اصفرار الجلد والعينين والإعياء وفقدان الشهية والغثيان والبول الداكن بلون الشاي

 

طريقة العدوى :

الفيروس B:

التعرض لدم ملوث بالفيروس

الاتصال الجنسى بشخص مصاب

الانتقال من الأم المصابة الى المولود أثناء الولادة

 

الفيروس C :

يعتبر التعرض لدم ملوث بالفيروس هو الطريقة الأساسية للعدوى

 

كيفية الوقاية من الاتهاب الكبدى B & C :

- استخدام الحقن البلاستيكية المعقمة لمرة واحدة فقط

- تجنب لمس الحقن المستعملة أو اللعب بها (خاصة الأطفال )

- تجنب استخدام أدوات الاخرين لأنها قد تكون ملوثة بالدم أو سوائل الجسم ؛ مثل : فرشاة الأسنان ، شفرات الحلاقة ، قصافة الأظافر ، المقصات و أدوات التجميل

- الحرص على اجراء العمليات الجراحية و الولادات وعلاج الأسنان فى العيادات و المستشفيات المجهزة لضمان تعقيم الأدوات

- عند ثقب الأذن و استخدام الابر الصينية ينبغى استخدام أدوات معقمة

- يجب تحاشى ممارسة عادة الوشم تماما

- لتطهير الأسطح التى تعرضت للدم ، يستخدم محلول الكلور بتركيزه الطبى المعد للتعقيم ، ويترك على المكان لمدة عشر دقائق ، ويجب استخدام القفازات عند تنظيف بقع الدم

- التخلص المأمون من الأدوات الملوثة بالدم والضمادات و الإبر و الزجاج المكسور وخيوط تنظيف الأسنان ، وذلك بوضعها فى وعاء بلاستيكى محكم الغلق

- استخدام الواقى الذكرى عند اصابة أحد الزوجين بالفيروس B الى ان يتم تطعيم الشخص السليم، علما بأن الفيروس C لا ينتقل غالبا بالمعاشرة الزوجية

- على السيدة الحامل المصابة بالفيروس B اخبار الطبيب لاتخاذ الاجراءات اللازمة لحماية المولود

- يمكن اتقاء الاصابة بالعدوى بفيروس الالتهاب الكبدى B عن طريق التطعيم الشامل لكل المواليد وتطعيم الأشخاص البالغين المعرضين بصورة كبيرة للاصابة ، مثل العاملين بالحقل الطبى أو مرضى الغسيل الكلوى وأمراض الدم

- يجب على المخالطين للمصاب بفيروس B عمل التحاليل اللازمة للكشف عن الفيروس وتلقى التطعيم

- ادراج تحليل الكشف عن الفيروس B ضمن الفحص الطبى قبل الزواج وذلك لتطعيم الشخص السليم اذا كان الشخص الاخر مصاب بالفيروس B

- تجنب تعاطى المخدرات

 

يجب على مريض الكبد :

- الإقلاع عن التدخين

- الامتناع عن تناول الخمور

- الإقلال ما أمكن من الدهنيات والملح

- الإكثار من تناول الخضروات والفواكه الطازجة

- استشارة الطبيب لتحديد كمية البروتين اللازمة

- متابعة حالة الكبد بالتحاليل و الموجات فوق الصوتية مرة أو مرتين فى السنة

- استشارة الطبيب عند تناول أدوية مسكنة أو أى ادوية أخرى يحتمل أن تضر بالكبد "


الناس : " شكرا "

هناك 72 تعليقًا:

قبلاوى يقول...

شكرا على المعلومات القيمة دى يا حوسثام

salma mohamed يقول...

لا مين قال ان الناس بتقول لا شكرا,
انا عندي استفسار,
هو حد موصيك تسمع اللي بتاخده؟احنا مالنا؟


الكلام الجد بقى ربنا ينفع بيك وتنقذ حد بكلامك.

Lady E يقول...

عندهم حق يقولو لا شكرا :)

د/عرفه يقول...

هههههههههههههههه
ماشى
وبعدين
شكرا يا دكتور
ههههههههههههههه

د. ياسر عمر عبد الفتاح يقول...

أمراض الكبد بقت منتشرة بطريقة رهيبة فى مصر نتيجة حاجات كثير قوى

معلومات قيمة
ربنا يوفقكم ويجعل مجهودكم فى ميزان حسناتكم

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ حسام
تحياتى
عجبنى قوى كلامك بتاع ان مصر دايما رائده فى العلاج والطب ده
وجملة هوبا فى القريه
(شر البلية مايضحك)
انا كان عندى اخويا اتوفى بنفس المرض ده التهاب كبدىB
كان تعب شويه ومحتاج نقل دم وطبعا علشان يلحقو وينجزو ويروحو بدرى فى المستشفى اخدو الدم من واحد حامل للفيروس من غير مايعملو اى تحاليل وراحو هوبا من القربه هوبا فى وريد اخويا وطبعا بما انه كان نازف كتير والجسم مافيهوش اى مناعه الفيروس دخل وقعد براحته وتمام التمام وكلها 15 يوم ودخل فى غيبوبه وبعدها باسبوع ربنا رحمه برحمته
ربنا ينفع بيك يادكتور ويجعلك سبب فى شفاء الناس وليس شقائهم
تحياتى ودمت بكل خير وود
والسلام عليكم ورحمة الله وبركاته

نبض الحياة يقول...

معلومات مفيدة جدا وقيمة وياريت دايما كدة يكون فى توعية ونشكر عالم التدوين لان به انسان مثلك حريص ان تصل المعلومات للجميع .
جزاك الله خيرا .

salma mohamed يقول...

التعليق الاولاني كان هزار,
وكتبت الجد في كلمتين في نهايته,
بس مش كفاية,
انا بحييك بجد انك عندك همة تفيد الاخرين باللي بتتعلمه,
ربنا يجعله في ميزان حسناتك,
وينفع بيك دايما يادكتور.

ghorBty يقول...

جزاك الله خيرا علي المعلومات ديه

ربنا يبارك لكم ان شاء الله وينفع بكم

انتم عليكم البلاغ والناس اللي في القري بجد علي نياتهم خالص لا يفقهوا مدي الضرر اللي ممكن يصبهم من الأمراض ديه

بس اكيد مرة ورا مرة هياخدوا بالهم

وربنا يشفي كل مرضي المسلمين

ربنا يجعله في ميزان حسناتكم

غربتي

mohamed ghalia يقول...

شاكرررررررررررين على حملة التوعية دى
دمت فى سعادة

د/عرفه يقول...

كان عندى تعليق تانى بس كده يا حسام
بغض النظر عن الارشادات اللى انت كتبتها
بس حلوه اوى فكره حملا التوعيه للقرى
جميله
ويارب نشوفك دكتور كبير

marmar يقول...

دكتور حسااااااااااااااااااااااااام
توعيتك جامدددده جدا لانها فعلا بتبينلنا بجد حاجاات كتير مهمه
انا اخويا كان عندو التهاب الكبد بي والحمدلله خف وبقى ميه ميه بس لسه كبدو بيوجعوا شويه
ربنا يشفيه ويشفينا ويشفي كل الملسمين يارب
دمت مبدعا يا دوك

lecaa يقول...

شكرا ياد.حسام وجزاك الله خيرا على المعلومات القيمة دي
وربنا يرفع بيك وأمثالك شأن المسمين

kalamfady يقول...

شكرا يا دكتور

حسام غانم يقول...

قبلاوى
=======

ميرسي قبلاوي ربنا يخليك

طوبة ذهب وطوبة فضة يقول...

ربنا يكرمك بجد على التوعيه دى فكرتنى بالحملات دى بس انتم الناس بتقولكم شكرا احنا الناس بتقولنا روحوا والله ما هنسمع الكلام ربنا يصبرنا بقى

حسام غانم يقول...

salma mohamed
===============

بالنسبة للاستفسار ..
فيا ستي أهي محاولة برضه لنشر المادة العلمية

بالنسبة للكلام الجد
آمين يا رب

ميرسي ليكي

شباك موارب يقول...

بص يادكتور
اهم طرق العلاج فعلا هو اقناع الناس بالخطا عشان مش نعالج والسبب مازال موجود


اكيد حمله هتجيب نتايج باذن الله

على فكره هي القريه دي تبع ايه بالظبط؟؟

ياريت تنورني وتزورني

حسام غانم يقول...

Lady E
========

مااااااااشي يا ليدي

حذاري أقابلك في المعركة :)

حسام غانم يقول...

د/عرفه
=======

هههههههههه
ماشي
شكرا دكتور عرفة

نورت البلوج

حسام غانم يقول...

د. ياسر عمر عبد الفتاح
==========================

فعلا يا دكتور ياسر
مصر دلوقتي الأولى في الالتهاب الكبدي

شكرا لحضرتك
نورت المدونة

حسام غانم يقول...

المعتصم
========

ربنا يرحم أهوك ويسكنه فسيح جناته إن شاء الله

شكرا لحضرتك
نورت المدونة

حسام غانم يقول...

نبض الحياة
============

شكرا كتير كتير كتير

مرور جميل
نورتي المدونة

حسام غانم يقول...

salma mohamed
================

شكرا يا سلمى ربنا يخليكي

آمين يا رب جميعا إن شاء الله


شرفتي البوست

حسام غانم يقول...

ghorBty
=========

ميرسي ربنا يخليكي

الكلام في القرى مع الفلاحين تجربة جميلة جدا إلى أقصى حد

وكمان فيه عندهم مفاهيم كتير غلط عمرنا ماكنا نتخيل إنها موجودة


شكرا لمرورك
نورتي البلوج

حسام غانم يقول...

mohamed ghalia
===============

العفو يا محمد ميرسي ليك

ودامت لك السعادة بإذن الله

حسام غانم يقول...

د/عرفه
========

اه فيه قرى كتير مفتقدة لكتير من حقوقها الأساسية

وطريقة المعيشة مختلفة تماما

شكرا لتعليقك يا دكتور

منور دايما

حسام غانم يقول...

marmar
========

شكرا ليكي يا مرمر

لو اللي كان عند أخوكي هيباتيتيس بي أو سي

فخليه يتابع بالتحاليل مع دكتور

لو كان هيباتيتيس ايه

فمفيش مشكلة إن شاء الله بيبقى دور بسيط


شكرا لمرورك يا مرمر
نورتي البوست

حسام غانم يقول...

lecaa
=======

شكرا لحضرتك يا دكتورة

آمين يا رب لنا جميعا

شكرا لمرورك

حسام غانم يقول...

kalamfady
===========

عفوا يا دكتور

ميرسي ليك

نورت البوست

حسام غانم يقول...

طوبة ذهب وطوبة فضة
=====================

ههههههههههههههه

ما هو فيه كل الننوعيات من الناس هتقابليهم

شكرا ليكي

شرفتي البوست

حسام غانم يقول...

شباك موارب
===========

فعلا .. فيه مفاهيم كتير غلك عند الفلاحين محتاجة تتغير

متعلقة بالحقن والحلاقين والكلام ده


أهلا بيكي في أول زيارة

نورتي المدونة

مسدس صغير يقول...

معلومات قيمة ورائعة
نسأل الله ان يجعلها
فى ميزان حسناتك

انسانة يقول...

فيرس بى بيتنقل بالاتصال
الزوجى العادى ام (الشاز)

حسام غانم يقول...

مسدس صغير
============

شكرا يا مسدس
آمين يا رب لينا جميعا


شكرا لمرورك

حسام غانم يقول...

انسانة
=======

أهلا بيك يا إنسانة في أول زيارة

بيتنقل بالاتنين

norahaty يقول...

السلام عليكم ورحمة
الله تعالى وبركاته
وماتنسى زمان كمان
كان فيه التطعيم بسن
الابرة او المشرط يادوبك
يتحط على لهب بتاع (السبرتاية)
ويتشرط الطفل التانى وياعالم
الطفل الاولانى كان فيه ايه.؟

*butterfly* يقول...

شكرا يا دكتور على المعلومات

ويارب الحملة تيجى بفايدة

ولو انى شايفة ان لسة بدرى

بس جزاكم الله خيرا على هذا المجهود وربنا يجعله فى ميزان حسناتكم

تحياتى

Khaled Selim يقول...

فكرتني بالجملة اللي شوفتها في التقرير العالمي الأخير عن السرطانات في العالم

EGYPT's mass campaigs of parenteral anti- schistosomiasis treatment may represent the worlds largest iatrogenic transmission of blood-borne pathogens

شكلنا وحش أوي


مش ناويين تيجوا الغربية ؟؟؟
نفسي أشارك معاكم في الحملات دي ؟
!!!

وبعدين مش كان في جروب على الفيس بوك للموضوع ده ؟؟
راح فين ؟

Tamer Nabil يقول...

السلام عليكم

والله كلامك سليم ياحسام

وجميل ان يكون فى توعية للناس

وحرص فى التعامل

عشان الامراض دى مش تنتشر اكتر من كدة عندنا


ربنا يصلح الحال

تحياتى

blue-wave يقول...

حلوة المعلومات دى يا حس
استمر

حسام غانم يقول...

norahaty
=========

وعليكم السلام ورحة الله وبركاته

فعلا يا دكتورة

زمان كان فيه عادات في منتهى الخطورة


مرور جميل

حسام غانم يقول...

*butterfly*
=============

شكرا يا دكتورة ربنا يخليكي

وإن شاء الله ربنا يكرم

حسام غانم يقول...

Khaled Selim
===============

فعلا يا خالد والله

قمة في الجهل واللامبالاة وعدم المسئولية

لا معتقدش نيجي الغربية

الجروب موجود

وفيه المادة العلمية وممكن مواعيد الحملات كمان

شكرا لمرورك
نورت المدونة :)

حسام غانم يقول...

Tamer Nabil
============

شكرا يا تامر ربنا يخليك

ربنا يصلح الحال إن شاء الله

نورت البلوج

حسام غانم يقول...

blue-wave
==========

ميرسي يا عمرو

شكرا لمرورك

صوت من مصر يقول...

ياعم حسام انا حاسس اني جوه صيدليه

حسام غانم يقول...

صوت من مصر
==============

ههههههه
ماشي يا سيدي

Sweet Violet يقول...

شكرا على البوست المفيد (:

شوفت ماقولتش شكرا بس اهو ((:

حسام غانم يقول...

Sweet Violet
===============

ههههههههه
أوك ماشي يا ضد

شكرا لمرورك
نورتي البلوج

shayma يقول...

شكرا

هههههه
لا بجد شكرا على المعلومات المهمه دى خاصه انى سمعت ان الموضوع انتشر عندنا بهبل

تسلم ايدك

حسام غانم يقول...

shayma
==========

هههههه
فعلا منتشر جدا
ربع الشعب المصري

شكرا يا شيماء عالمرور

assafo anaroze يقول...

سيدي
واحنا كمان لازم نشكركم ده عمل تضامني و يستحق الشكر خصوصا القرى و الارياف ماعندهاش الوعي اللازم عشان تاخد بالها من الامراض ديه
على اي بادرة طيبة
مودتي
شكرا على زيارتك
ليدم تواصلنا

fashkool يقول...

حسام غانم .. تحياتى

مصيبه الفيروسات دى فى مصر
ومصر واخده الموضوع ولا كأن ولادها اللى اكبادهم بتبوظ

واكثر من معهد بحثى فى مصر ولا فائده
وشاطرين نتكلم ونعمل توعيه
مع ان هناك اكثر من 5 ملايين مصرى مصابين بالفيروسات
يعنى تقريبا دوله كامله
تخيل لو كل مريض اعطى عدوى لمريض
كارثه واحنا ساكتين عليها
مع انه من الاولى ان تكون مصر اول بلد فى البحوث عن علاج الفيروسات
لكن لا خبر ولا حد واخد باله

لا ندرى اين تؤدى بنا هذه الكارثه والتى يستخفون بها وانا اقول انها ستقضى على مصر خلال 20 او 30 سنه ولا حد واخد باله

حسام غانم يقول...

assafo anaroze
================

شكرا يا أسافو

وإن شاء الله يدوم تواصلنا

نورت البلوج

حسام غانم يقول...

fashkool
===========

مش للدرجادي يعني

الوقاية في مصر دلوقتي اتطورت كتير عن زمان

لكن فعلا المفروض يبقى فيه اهتمام كبير بالموضوع ده

شكرا لمرورك
نورت البوست

إيمان يقول...

هوبه فى القربه .. هوبه فى العيان واللى بعده
ماشاء الله فكره مبتكره جدا
هههههههههه
هههههههههههههه
بجد هموت من الضحك
دمك خفيف بجد
ههههههه
أه نسيت أقولك معلومات قيمه فعلا ربنا يكرمك
وشكرا

خديجة عبدالله يقول...

غالبا لا أقبل على قراءة المعلومات الطبية ولما أختى وبابا بيتكلموا بجرى أروح حتة تانية لإنى طبيعى مبكونش فاهمة أى حاجة :) .. بس بجد أسلوب العرض لحضرتك مميز وشيق وممتع جدا خلانى أركز فيه كله ربنا يكرمك وينفع بك دوما ماشاء الله
فكرتنى حضرتك بحملات صناع الحياة للتوعية بس أعتقد حملاتكم أكثر كفاءة ربنا يتقبل من الكل إن شاء الله

عذرا لطول التعليق وشكرا لمرور حضرتك بمدونتى فى الشات بوكس :)سرنى ذلك ودمت بكل خير

اصحى يا مصر : اسلام ديو يقول...

على فكرة معلومات جميلة وقيمة جداً تسلم ايديك
بصراحة دا اول مرور وحودت هنا بالصدفة ههههههههه قولت اجى اشوف المدونة الجميلة

عايز اقولك ان مصر الدولة الجميلة الكبيرة اللى فى العالم عندها المرض دا
ومش فايرس واحد دا بى وسى ودى واف لحد الزد بالصلاه على النبى :d
دمت بكل ود وصحة وعافية

حسام غانم يقول...

إيمان
========

ميرسي يا إيمان ربنا يخليكي

مرور جميل

حسام غانم يقول...

خديجة عبدالله
===========

الحمد لله إن عجبك الموضوع وكملتيه كله

شكرا لزيارتك

شرفتي البوست

حسام غانم يقول...

اصحى يا مصر : اسلام ديو
==========================

ههههههههههه
فعلا المرص منتشر في مصر بصورة خطيرة

أهلا بيك يا إسلام في أول مرور

وإن شاء الله يدوم التواصل

محمود ابوالعزم يقول...

انا هقوللك زي الناس شكرا
على فكرة بقالي كتير بحاول اعق عندك ومش عارف ..على المواضيع اللي فاتت
اسمحلي دلوقتي اني اقوللك ان المدونه على بعضها جميلة جدا
ربنا يكرمك ويوفقك وتملاها بافكارك ومشاعرك دايما

حسام غانم يقول...

محمود ابوالعزم
================

ميرسي ليك يا محمود
أنا متابع أشعارك ومعجب بيها من زمان
كان الخطيب بيقولهالنا

فيه أكتر من واحد قالولي فعلا إنهم مش عارفين يعلقوا
مش عارف المشكلة دي من إيه الصراحة

شكرا لمرورك يا محمود

بحـــر الدموع يقول...

السلام عليكم

ما شاء الله .
مشكور على هذه المعلومات الصحية
ونسال الله العظيم ان يحفظنا من كل سوء ويبعد عن شر الأمراض
بارك الله فيك أخي حسام ودمت بخير


لا تنسوا اخوانكم في غــزة من دعائكم

||..بحــر الدموع..||

فتافيت يقول...

تسلم يا حسام بجد
ربنا يبارك لك يا رب
وانا بضم صوتي للناس اللي قالوا شكرا
وبقولك شكرا بجد جددا
جعله الله في ميزان حسناتك
تحيااااااااااتي

حسام غانم يقول...

بحـــر الدموع
===============

شكرا ليك جدا
آمين يا رب إن شاء الله

وربنا معاكوا يا أهل غزة


دمت بخير دائما

حسام غانم يقول...

فتافيت
========

ميرسي يا فتافيت كتير كتير

وإن شاء الله ربنا يكرم والمرض يخلص من مصر تماما

شكرا لمرورك يا فتافيت

د.توكل مسعود يقول...

السلام عليكم ورحمة الله ... وبعد

الحجاب الذى كنا نسميه "فرنسى"..طلع ..."يهودى..."

استمتع بالدخول على هذا الرابط وليكن حجة لك... لا عليك.


http://6azbeet.blogspot.com/2009/03/spanish_17.html

لاسع افندى يقول...

شكرا

حسام غانم يقول...

د.توكل مسعود
=============

شكرا لحضرتك د توكل

حسام غانم يقول...

لاسع افندى
==========

عفوا :)