الاثنين، 13 أبريل، 2009

أنا سعيد


أنا سعيد النهاردة يا ولاد

 

كان عندي النهاردة امتحان تروبيكال شفوي وعملي

 

اللي هو طب المناطق الحارة يعني


توقعوا بقى دخلت لمين شفوي ؟

 

أيوة قول يا شعبان

 

لدكتور محمد ؟

 

انت هتتذاكى عليا .. ما نص الناس اسمهم محمد

 

ها حد تاني هيتوقع ؟

 

مفيش ؟

 

أقولكم

 

دخلت النهاردة شفوي لـ...

 

دكتور أحمد خالد توفييييق

 

راجل كفااااءة كفااااءة

 

ما شاء الله الراجل ده بتعجبني كل حاجة بيعملها

 

حتى طريقة أسئلته جامدة يا جدعان

 

أنا سعيد

هناك 121 تعليقًا:

أحمـــــــــــــد أبو العلا يقول...

سعيد بك السعيد
شكلك سعيد أوي بسم الله ماشاء الله

الشعور ده انا عارفه
انك تعجب بشخص وبكل حركه وفعل بيعمله
أد ايه بيكون جميل

دمت بالسعاده ان شاء الله

أحسن تـستاهـل يقول...

مش معقووووووووووووووووووووول يا بختك يا ابن الايه يا لذينا انت
ههههههههههه
والله ده جميل اوي.. طب وسألك في يوتوبيا ولا د/ رفعت اسماعيل؟؟ طبعا انت في الاتنين كفاااااءة

مها ميهوووو

إيمان يقول...

ربنا يسعد ايامك كلها
وتكون فى يوم من الأيام قدوه لشباب صغيرين زى الدكتور أحمد
بجد كلمة انا سعيد ليه مش بنقولها
يمكن عدوى السعاده تتنقل لينا
فالحين بس فى اخى يععععععع يادى القرف انا مكتئب
يارب بالتوفيق والنجاح ديما

جنّي يقول...

السلام عليكم

انت سعيد ..الحمد لله .. امال مين حسام ؟

مزحة بريئة .. انا بقي اللي سعيد .. دا اسمي ..

على كل مبروك مقدما وبالتوفيق والنجاح ان شاء الله

MǿиY El-Shreef يقول...

ياعيني

انت امتى غيرت اسمك ف السجل المدني :D

ياحظك يا حسام

الراجل ده بجد حاجه عظيمه اوي

المهم يكون الامتحان كويس

:)

صيدلانيه طالعه نازله يقول...

مبروك على الامتحان اللى اكيد كان كويس يا سعيد يوووووووه قصدى يا حسام
و جميل قوى ان الانسان يتقابل مع ناس بيحبهم لا و كمان يمتحنوه

fnoonh يقول...

يارب كده دائما وابدا تكون سعيد ومبسوط وهابي وكل حاجة مفرحة

الواحد يحمد ربنا على السعادة دي

تقبل خالص تحياتي وتقديري

حسام غانم يقول...

أحمـــــــــــــد أبو العلا
==========================

اه فعلا

أحمد خالد ده أسطورة

حقيقي بحبه

ربنا يسعدك في حياتك يا رب

نورت البلوج

حسام غانم يقول...

أحسن تـستاهـل
=============

هههههههه
اه طبعا أنا كفاءة في كل أعماله

ميرسي يا مها
نورتي المدونة

حسام غانم يقول...

إيمان
======

ربنا يخليكي يا إيمان

بالنسبة للسعادة

فهي فعلا بتنتقل من إنسان لإنسان بالإشعاع

الواحد لما بيشوف واحد بيضحك بيلاقي نفسه بيضحك معاه بلا سبب

ربنا يسعدنا جميعا

منوراني دايما يا إيمان

حسام غانم يقول...

جنّي
====

احم

ما هو أنا اللي غلطان :)

أنا عارف إن حد هيقول كده

الله يبارك فيك يا سعيد

نورت البوست

حسام غانم يقول...

MǿиY El-Shreef
===============

بس يا موني :)

الراااجل ده أسطورة

والامتحان كان جميل الحمد لله

منوراني دايما

حسام غانم يقول...

صيدلانيه طالعه نازله
==================

هههههههه
ماااشي يا صيدلانية

لا وكمان طريقة أسئلته حلوة ومبتكرة كده

الراجل ده جاااامد


نورتيني يا داكتورة :)

حسام غانم يقول...

fnoonh
========

آمين يا رب

ميرسي يا أفنان

ربنا يسعدك دايما


نورتي البوست

د. ياسر عمر عبد الفتاح يقول...

أوعي تكون دخلت وطلعت من غير ما تستلمي عليه
طيب هوه مسالكش عني؟
يا نهار أبيض يا جدعاااااااان
أحمد خالد توفيق حتة واحدة
أنا لو دخلتله شفوي مش هعرف أجاوب ولا كلمة .. هبلم

فاتيما يقول...

إيه يا حسام الكروتة دى
طب يا عم ربنا يسعدك كمان و كمان
بس قولنا تفاصيل و لو هتبقى علمية بحتة ...
الراجل دا محترم بجد فى الحقيقة
زى ما ماهو باين فى كتاباته
و لا لأ ...
أصل فيه ناس كتير بيبقوا فى الحقيقة غير شخصيتهم فى الكتابة ...
عموما ...
ربنا يسعدك فى كل خطوة تخطيها
خالص ودى و تمنياتى ليك بالنجاح علطول

صوت من مصر يقول...

ياريت كل الناس تبقى زيك كده
مبروك ليك انك سعيد

MaNoOoSh يقول...

الحمد لله ان الامتحان عدى على خييييييييير
وعقبال بقية الامتحانات
مع انى الصراحة معرفش الدكتور اللى انت بتتكلم عنه دة
بس شكلة دكتور محترم طالما الطلبة بتحبة وبتحترمة كدة

الشموع البيضاء يقول...

بجد ليك حق تكون مبسوط ماشاء الله
ربنا يديم السعاده ويجعله بالتوفيق والنجاح ان شاء الله

مسدس صغير يقول...

ربنا يوفقك
اتمنى لك السعادة

ايوشة يقول...

ربنااااااااااا يسعدك دايما يارب

احساس طفلة محبة للرومانسية بس واقعية يقول...

جميل ان يكون فى دكتور تتبهر بية بالشكل دا لا وكمان د. ياسر يعرفة وبرضو بيقول نفس الكلام
يعنى مجمعين على انه انسان مميز
يارب تكون فى يوم قدوة زية واحسن كمان
ربنا يوفقك فى حياتك ويسعدك دائما

تقبل مرورى

ঔღঔ نـــوارة ঔღঔ يقول...

ربنا يسعد ايامك ونشوفك سعيد دايما

hasona يقول...

السلام عليكم

ربنا يسعدك ويزيدك من فضله

ويتم فرحته عليك بالنجاح
ويكلل النجاح بالتفوق

حسام غانم يقول...

د. ياسر عمر عبد الفتاح
==================

لا طبعا عيييب عليك

سلمت لك عليه وبستهولك من هنا ومن هنا :)


منورني دايما يا دوك

حسام غانم يقول...

فاتيما
========

ميرسي يا فاتيما ربنا يكرمك

هو اه فعلا مفيش تفاصيل إلا لو هقول لكوا اتسألت في ايه والكلام ده يعني :)

الراجل محترم فعلا

وفيه كتير من رفعت اسماعيل


نورتي البلوج يا فاتيما

حسام غانم يقول...

صوت من مصر
=============

آمين يا رب

الله يبارك فيك يا كيمو

ويارب دايما تبقى سعيد في حياتك

منورني دايما

حسام غانم يقول...

MaNoOoSh
=========

الحمد لله يا منوش

أحمد خالد توفيق ده كاتب كبير

وله تأثير على جيل كامل من الشباب


ربنا يوفقك دايما
نورتي البلوج

حسام غانم يقول...

الشموع البيضاء
==============

ميرسي كتير ربنا يخليكي

ربنا يوفقك دايما

نورتي المدونة

حسام غانم يقول...

مسدس صغير
==========

شكرا جدا يا مسدس

وربنا يسعدك دايما

نورت البوست

حسام غانم يقول...

ايوشة
=======

آمين يا رب

يسعدنا جميعا دايما يا أيوشة

منوراني دايما

حسام غانم يقول...

احساس طفلة محبة للرومانسية بس واقعية
======================

هو دكتور أحمد

بجانب إنه دكتور

فهو كاتب كبير ومشهور

وأثر على جيل كامل من الشباب


ربنا يسعدك دايما يا إحساس طفلة

منوراني دايما

حسام غانم يقول...

ঔღঔ نـــوارة ঔღঔ
==============

ميرسي يا نوارة ربنا يخليكي

وربنا يوفقك دايما

نورتي المدونة

حسام غانم يقول...

hasona
========

ميرسي كتير يا حسونة

ربنا يكرمك دايما في حياتك


نورت البوست

مذكرات مشاغب يقول...

ماشي يا عم السعيد
ربنا يبسطك كمان وكمان

تحياتي

عاشقة الأحزان يقول...

السلام عليكم ورحمة الله وبركاته
يارب يسعدك كمان وكمان امين يارب العالمين
ويكمل فرحتك بخير يارب
والف مبرووووووك مقدمآ ياحسام
دمت سعيد وبألف خير
يارب يكرمك
تقبل تحياتى واحترامى الكبير

Saydalanya Mat7oona يقول...

:)))

أهو أنا بقا دلوقتى اللى هفرقع من السعادة

ايه يا عم ده كنا لسه جايبين فى سيرته و بنتكلم على مقالاته و هوووووب تمتحن عنده



عقبال مشوفك زيه كده يا رب



يا حظك .....يا حظك


لأ حقيقى يعنى

يا حظك

من غير قر و الله ولا حقد من أاى نوع

:)

ربنا يوفقك فى باقى الامتحانات

سلامات

Saydalanya Mat7oona يقول...

مقلتش صحيح

متكلمتوش فى حاجة بره النص

:)

iBRAHiM sAllAM يقول...

ربنا يسعدك كمان و كمان يا حسام ,

بس سؤال رفيع كده :)

و الدكتور أحمد توفيق ده اللي هو الكاتب كمان ؟؟

و لا ده تشابه أسماء بس :) ؟؟

أحمد سعيد بسيوني يقول...

عندك حق

راجل كفاءة كفاءة

انا متصور معاه صورة السنة اللي فاتت بعد الراوند وبعد ماشرح لينا بلهاريسياسس

صورة باعتز بيها جدا

انت بقى اتصورت
طبعا لا

مش اي حد على فكرة

ههههههه

enjy يقول...

عااااااااااااااااااااا
اشمعنى انا مش طب طنطا يعنى؟؟؟
ليه ابقى علم نفس اسكندرية؟؟
انا عايزة طب طنطا ماليش دعوووووة...
طب اجى امتحن وامشى طيب
طب اجى اتفرج على الامتحان من بعيد
طب اجى اتفرج على اللى امتحنوا بس
طب اجى اعدى من قدام الكلية طيب
طب اجى امشى فى طنطا وخلاص
طب انزل من القطر واركب تانى طيب
عااااااااااااا
هموت من الغيظ على فكرة...ماشى يا عم ربنا يسعد اوقاتك كلها امين يارب..

على فكرة مستنية مشاركتك على ايميل المجلة وعلى فكرة فى لينك للمجلة عندى على جنب فى وسط الصور

TeVa يقول...

السلام عليكم ورحمة الله وبركاته

يعني طب المناطق الحارة دا طلع بجد ولا ايه ؟؟

أنا كنت مفكرة بيسرح بينا في قصص سفاري والكلام دا :D

ههههههه

بالتوفيق والنجاح يا دوك :)

رؤية يقول...

يا بختك ياعم
ليك حق تتبسط
علشان تعرف اهمية القصص بس
^_^
تحياتى

حازم النبراوي يقول...

بالرغم من انى معرفش (دكتور أحمد خالد توفيق)


لكن انا مبسوط انك سعيد

ربنا يسعدك دايما

Zika يقول...

هي الكليه بتاعتكم دي ماينفعش اخد فيها لفه اروح اسلم عليه واتصورلي معاه صورتين بس بشرط ما يسالنيش لا تروبيكال ولا محاسبة حكوميه
ههههههههههه

ghorBty يقول...

ربنا يديم عليك السعاده

وبالتوفيق يارب وكل الطلبه

فتافيت يقول...

ربنا يفرح قلبك كمان وكمان

عمارة يقول...

يا ابن الإيه !!

مكتوبالك

بسمـــة مســـــلّم يقول...

يارب سعيد علطول بس اجمل حاجة انك تلاقى انسان تقتنع من داخلك انه عظيم لتسير على خطاه يلا ربنا يوفقك

حسام غانم يقول...

Saydalanya Mat7oona
===============

اه والله شفتي يا أماني

كنا لسه بنتكلم عنه هوب ألاقي نفسي بمتحن معاه


متكلمناش في حاجة بره النص لأ

ميرسي ليكي كتير وربنا يوفقك دايما

منوراني على طول

حسام غانم يقول...

iBRAHiM sAllAM
==============

ربنا يخليك يا إبراهيم

أيوة هو الكاتب :)


ربنا يوفقك في حياتك

نورت المدونة

حسام غانم يقول...

أحمد سعيد بسيوني
=============

ههههههه

ماااشي يا أحمد

أنا متصورتش معاه اه

إنما حضرتله ندوة

ومضيت منه كتابه

وكتب اسمي في قصة من قصصه

:)

اوعى يعني

منورني دايما يابو حميد

حسام غانم يقول...

enjy
======

هههههههههه

عقبالك يا ستي

ميرسي كتير ربنا يخليكي

نورتي البلوج

حسام غانم يقول...

TeVa
=====

وعليكم السلام ورحمة الله وبركاته

أيوة طلع بجد شوفت بقى :)

ربنا يسعدك ويوفقك دايما

نورت البلوج

حسام غانم يقول...

رؤية
======

هههههههه

ميرسي يا رؤية

نورتي البلوج

حازم سويلم يقول...

أعتقد ان لقاء د/ أحمد خالد, مبرر جيد للسعادة, حتى لو كان امتحان شفوى.. تحياتى وأرجو ان تبلغه سلامى وأحترامى له فى المرة القادمة التى تلقاه

تحياتى, وبالتوفيق مقدما

دينا يقول...

مبرووووك

انا شوفت الدكتور احمد خالد فى طب المنصورة عندنا من سنة او اتنين كدا

بس مكنش انفراد

عقبالنا فى اى مناسبة غير امتحان شفوى

هبه جمعه يقول...

ياااااااااااااااااه
يا بختك بجد
انا بحقد على فكره
طوووول عمري بفخر اني في هندسه و شايفه ان هي القمه بتاعه كل الكليات اصلا
اول مره اكرهه هندسه و اكره اليوم اللي اخترت فيه علمي رياضه وانا في اولي ثانوي :(
لالالالا فعلا انا بحقد جدا جدا خالص
طب هو دكتور احمد زي زينا كده بيتكلم و بيسأل زي الدكاتره العاديين؟؟
بس اكيد طبعا اسألته كانت كويسه لانه راجل عسل اساسا

بس انا ما زلت بحقد برده على فكره :(

طب بص لو عمل اي ندوه عندكوا في الكليه او في اي حته في طنطا ابقي قوول والنبي لاني بجد نفسي احضرله اي حاجه

حسام غانم يقول...

حازم النبراوي
=============

ربنا يخليك يا حازم

ويسعدك في حياتك دايما

منورني على طول

حسام غانم يقول...

Zika
=====

ههههه
ينفع طبعا

مكتبه في الكلية مفتوح للجميع

وعادي ناس كتير بتقابله

ومش بيتسألوا :)

مرور جميل
نورت البلوج

حسام غانم يقول...

ghorBty
=======

شكرا ليكي يا غربتي

ربنا يكرمك ويسعدك في حياتك

منوراني دايما

حسام غانم يقول...

فتافيت
=======

يااااااه

ربنا يخليكي يا رحاااااب

عقبال ما نفرح فيكي قريب :)

منوراني دايما

حسام غانم يقول...

عمارة
======

هههههه

اه فعلا

أنا مصدقتش لما لقيت اسمي معاه :)

نورت البلوج يا عمارة

حسام غانم يقول...

بسمـــة مســـــلّم
===============

اه فعلا يا بسمة

مفيش ناس كتير بالمواصفات دي

سعيد بمرورك

نورتي البلوج

حسام غانم يقول...

حازم سويلم
===========

اه طبعا

امتحان ايه وبتاع ايه

ده أحمد خالد توفيق يا جدعااان


تحياتي ليك يا حازم

نورتني في أول زيارة

وإن شاء الله يدوم التواصل

حسام غانم يقول...

دينا
======

هههههه

الله يبارك فيكي يا دينا

وعقبالك يا ستي

نورتي البلوج

حسام غانم يقول...

هبه جمعه
=========

هههههههه

إيه كمية الحقد اللي في التعليق دي :)

بس بغض النظر عن موضوع هندسة ده


أحمد خالد بيتكلم زينا اه :)

بس اللي هو نظام مبيحرجش الواحد بأسئلة معقدة

لا تحسي إنه عايز يعلمك حتى وهو بيمتحنك

اه بالمناسبة

بس من غير ضرب

احنا كنا نظمنا ندوة لأحمد خالد توفيق من سنة كده

قدامنا هنا في النقابة :)

كانت ندوة حلوة

وإن شاء الله لو فيه حاجة تانية هبقى أقول

نورتي المدونة يا هبة

محمد سعد القويري يقول...

أخي حسام غانم

أسال الله

أن يديم عليك هذه السعادة

"انت هتتذاكى عليا .. ما نص الناس اسمهم محمد "

دي جاااامده أوي ^_^

تامر علي يقول...

ربنا يسعدك يا عم كمان وكمان ... بس انا بحسدك على د/أحمد خالد توفيق ..مش علشان كاتب محترم ومبدع لأ علشان اكيد راجل بالعقلية دي مش هايكون معقد وعنده سادية وبيحب الإنتقام من جوز امه في شخص الطلبه زي كتير :)

ربنا يتملك على خير وتاخد المرتبة :)

لورنس العرب يقول...

رزقك الله السعاده الدائمه

shayma يقول...

هههههههههه
لا بجد
يابختك
ربنا يديم عليك السعاده
وتنجح ياااارب
تدفع كام بقى فى الدعوتبن الحلوين دول

هبه جمعه يقول...

بجد؟؟؟؟؟؟؟؟
هنا هنا اللي هو قدام البيت يعني :(:(
طب خيرفها في غيرها بقي بس يا رب يكون فيه غيرها :(

ميرام يقول...

هههههههههه
طيب وجاوبت ياترى ؟؟
(:
اوعى يكون سألك عن الأعداد اللي قريتها
هههههه

koketa يقول...

يااااااااااااااااااااجامد دجكتور احمد توفيق مرة واحد
بس اكيد احساس حلو انك تقابل حد انت بتحبه اوى كدا وكمان صدفة

norahaty يقول...

السلام عليكم ورحمة
اله تعالى وبركاته
واحنا سعداء جدا
جدالسعادتك ياحسام

norahaty يقول...

ويارب تفضل سعيد
بعد ظهور النتيجة:)

mohamed ghalia يقول...

ليك حق طبعا تكون سعيد
ربنا يسعدك دايما

حسام غانم يقول...

محمد سعد القويري
==============

شكرا جدا يا محمد

ربنا يسعدك دايما ويوفقك

تحياتي ليك

حسام غانم يقول...

تامر علي
========

هههههههه

ربنا يخليك يا تامر

د أحمد راجل محترم فعلا


ربنا يوفقك دايما
نورت البلوج

حسام غانم يقول...

لورنس العرب
===========

ميرسي يا لورنس

ربنا يسعدك ويوفقك

حسام غانم يقول...

shayma
========

ههههههه

ربنا يخليكي يا شيماء

أدفع اللي انت عايزاه طبعا

ربنا يكرمك

نورتي البلوج

حسام غانم يقول...

هبه جمعه
=========

أيوة هنا في نقابة الأطباء :))

خيرها في غيرها إن شاء الله

حسام غانم يقول...

ميرام
=======

ههههههههه

لا للأسف

كنت أكيد جاوبت بيرفكت

نورتي البلوج يا ميرام

حسام غانم يقول...

koketa
=========

اه فعلا يا كوكيتا

حاجة جامدة جدا


نورتيني في أول زيارة
وإن شاء الله يدوم التواصل

حسام غانم يقول...

norahaty
==========

ههههههه

ميرسي يا دوك

وإن شاء الله أفضل سعيد بعد النتيجة :(


منوراني دايما

حسام غانم يقول...

mohamed ghalia
==============

ميرسي يا محمد

وربنا يسعدك ويوفقك دايما

منورني :)

Beram ElMasry يقول...

حسام غانم
وانت منور كالعادة يا عزيزي ويفرحني تعليقك

يعني نقول مبروك مقدما ولا المعني في بطن الشاعر
لك تحياتى والسلام ، ولا سلام مع اليهود

ايمان مجدى يقول...

فى اول زيارة للمدونة
وانت الحمد لله سعيد الحمد لله
يارب دوما فى سعادة
تحياتى

سوبيا يقول...

دكتور احمد خالد توفيق

يعني

دكتور احمد خالد توفيق
دكتور احمد خالد توفيق

يا بختك

عاااااااااااااا
جتنا نيلة في حظنا الهباب

ريمان يقول...

ربنا يسعدك يا رب كمان وكماااااااااااااان


يا رب

حسام غانم يقول...

Beram ElMasry
============

ربنا نخليك يا أستاذ بيرم

الله يبارك فيك


منورني دايما

حسام غانم يقول...

ايمان مجدى
===========

أهلا بيكي يا إيمان في أول زيارة

وإن شاء الله يدوم التواصل

نورتي البلوج

حسام غانم يقول...

سوبيا
========

ههههههههههههههه

عقبالك يا ستي

ولا تزعلي



منوراني دايما

حسام غانم يقول...

ريمان
=======

امين يا رب

وربنا يوفقك ويسعدك دايما يا ريمان


نورتي البوست

wesoooooooooo يقول...

يااااااااااااااارب دايما سعيد
بس يابختك يابنى والله
أحسن حاجه انك تشوف قدوتك بيبقى أحساس لايوصف

فكرة من الزمن ده يقول...

ربنا يسعدك يا حسام
ويوفقك يارب في كل حياتك

dr.lecter يقول...

يابختك ياعم

انا بجد بحسدك

دكتور احمد مره واحده؟

انا ماقلبلتهوش الا مره واحده للاسف وماشبعتش منه في معرض الكتاب السنه دي

وسبحان الله قبل مادخل عندك شوفت له لقاء علي المحور في 90 دقيقه


بجد محظوظ انت جررررررررر

محمد عبد الباسط يقول...

عقبال الامتياز اخر العام يا باشا

بجد د احمد من الناس اللى فعلا قدوة
يارب اشوفك زيه قول امين

تقبل تحياتى


حلم كبير

كيــــــــــــارا يقول...

ربنا يسعدك ككما ن وكماااااااااااااان

حياتى نغم يقول...

السلام عليكم / أدام الله عليك السعادة والتوفيق .

أحمد سعيد بسيوني يقول...

السعادة خدت لفييييييين

Bant El7ag Dracula يقول...

يا فكرتنى انا كنت سعيد كدا بردو لما طلعه نتيجه تالته ثانوى وجبت 63

والله كنت فرحانه جداا

هههههههههههههههههه
بوست زى العسل مع انى متغاظه اوى من الواد الا بيضحك دا

باى

Soul.o0o.Whisper يقول...

يااااااااااااااه

طبعا عندك حق تبئا سعيد و فرحان


هو طبعا معلش على التأخير

بس خيييييييييير خيييييييييييير

هههههههههههههههه


المهم

ربنا يوفقك

و نسمع عنك كل خير



دمت بود

حسام غانم يقول...

wesoooooooooo
===========

فعلا يا وسام

إحساس جميل جدا

ربنا يسعدك ويوفقك على طول

منوراني دايما

حسام غانم يقول...

فكرة من الزمن ده
=============

آمين يا رب

يسعدنا جميعا إن شاء الله

ميرسي يا فكرة

مرور جميل

حسام غانم يقول...

dr.lecter
==========

اه أنا شفت اللقاء ده عالنت

عقبال يا سيدي ما تشوفه تاني وتشبع منه :)

نورت البلوج يا دوك

حسام غانم يقول...

محمد عبد الباسط
===============

آمين يا رب لينا جميعا

ميرسي يا محمد

ربنا يكرمك


منورني دايما

حسام غانم يقول...

كيــــــــــــارا
==============

ميرسي يا كيارا

ربنا يسعدك ويوفقك دايما

حسام غانم يقول...

حياتى نغم
=========

وعليكم السلام ورحمة الله وبركاته

آمين يا رب لينا جميعا


شكرا ليكي حياتي نغم

حسام غانم يقول...

أحمد سعيد بسيوني
===============

هههههههه

مخدتش في حتة

حسام غانم يقول...

Bant El7ag Dracula
=================

يااااه

ربنا يسعدك دايما ويحققلك كل أحلامك


تصدقي الولد اللي بيضحك ده مستفذ فعلا :)


نورتي البلوج في أول زيارة

وإن شاء الله يدوم التواصل

حسام غانم يقول...

Soul.o0o.Whisper
===============

ولا يهمك يا ستي عالتأخير

وربنا يسعدك دايما ويوفقك


منوراني دايما

بدراوى يقول...

الله ايه الجمال ده
اه ما هو دكتور فى طب طنطا اصلاً
ربنا يوفقك
يارب
و يسعدك يا حسام
معلش مقصر فى تدويناتك
ابقى شق عليا يا راجل

حسام غانم يقول...

بدراوي
=========

ميرسي يا بدراوي

معلش وأنا كمان مقصر معاك والله

مشغول جدا الفترة دي

منورني دايما

مدحت محمد يقول...

ربنا يجعلك على طول سعيد

حسام غانم يقول...

مدحت محمد
===========

ميرسي يا مدحت

ربنا يسعدك ويوفقك دايما

نورتني في أول زيارة

وإن شاء الله يدوم التواصل

Hajar Jackoub يقول...

واااااو أحمد خالد توفيق حتة واحدة
شئٌ لا يصدقه عقل !
بس مبروووووك يا عم من غير قر و لا حسد و لا أحقاد بشرية ;p هنيالك
ديه حاجة جامدة بجد بس قولنا اتكلمتوا في ايه غير التروبيكال نفسي أعرف !!

mimi يقول...

ياباشا دماغ والله دماغ
صحيح ... يعني ايه تروبيكال
ده مش أسم مشروب ؟؟؟؟

mimi يقول...

هوا أنا دخلت سكشن غلط ...؟؟
الناس هنا عارفة دكتور أحمد وأنا معرفش غير دكتور أحمد واحد بس ... د/ أحمد زويل

مش دي برده كلية تجارة ... قسم نقاوة!!

mimi يقول...

طيب يا جماعة ..
انا طلعت بمعلومتين،،
الأولي إن المذكور أعلاه اللي هوا د/ أحمد خالد توفيق يبقي دكتور في جامعة طنطا

والمعلومة التانية...
إن الناس هنا كلهم في كلية طب بشري

حسام غانم يقول...

mimi
======

إزيك يا ميمي الأول

التروبيكال ده هو طب المناطق الحارة

د أحمد خالد توفيق دكتور في طب طنطا اه

والأهم إنه كاتب كبير ومشهور

وأثر في جيل كامل من الشباب

عشان كده عارفينه

مش كلنا في طب ولا حاجة

نورتي المدونة في أول زيارة

وإن شاء الله يدوم التواصل