الخميس، 19 مارس 2009

تفصيص


شفتوا الحلاوة !!

بيقولك الخطوط الجوية الأيرلندية تدرس اقتراحا بفرض 50 جنيه استرليني على الركاب مقابل مضيفات يرتدين البكيني !!

وبيقولك يأتي ذلك في إطار خطة الشركة لزيادة الموارد من أجل الاستمرار في تخفيض أسعار التذاكر وتقديم أسعار أقل من الشركات المنافسة .

يعني الغني اللي عايز رفاهية يدفع فلوس أكتر من التذكرة العادية مقابل خدمات الشركة الجديدة ..

في سبيل إن هيخلّوا اللي معاهوش فلوس وعايز بس يسافر بسعر رخيص يقدر يسافر .

إزاي ؟

عاملين تذكرة رخيصة مش شاملة حاجة .. يعني بيقولك عاملين رسم دخول دورة المياه في الطيارة جنيه استرليني واحد .. ورسم استخدام ورق التواليت جنيه واحد برضه .. ولو اتزنقت يا سيدي ابقى ادفع .

حلو مبدأ تفصيص الخدمة ده .. يعني ميبقاش الموضوع package واحدة .. السفر لوحده بسعر .. الحمام بسعر .. ورق التواليت بسعر .. الوجبة بسعر .. وخد اللي انت عايزه واللي مش عايزه متدفعش فلوسه .

حكاية الـpackage دي غبية جدا .. تيجي تشتري موبايل بيبقى سعره مقابل الخدمات اللي فيه مع إن نص الخدمات دي انت مش محتاجها أساسا ..

أنا موبايلي فيه خاصية تحديد موقعك عن طريق الـGPS رغم إن الخاصية دي مش مفتوحة في مصر أصلا .

لما تروح تاكل في مطعم لازم يجيبلك مع اللي انت طلبته مخلل وسلطة وإزازة مية معدنية لزوم الـpackage .

عارفين موضة امتلاك اسبوع في أحد الشاليهات مدى الحياة دي .. الراجل بتاع الدعاية يقولك السعر .. تسأله والسعر ده شامل إيه ؟

قعد يعدلك حاجات كتير أذكر منها أجرة كلاب الحراسة وصيانة اسطبل الخيل وصيانة ملاعب الاسكواش .

يا حول الله .. اسطبل الخيل !! .. أنا مالي أنا ؟!

أنا رايح أقعد اسبوع في السنة أدفع صيانة اسطبل الخيل  ؟!

المهم إن تفصيص الخدمة ده حلو وإنك لما تعوز تسافر مش لازم تسافر في مصر للطيران وتدفع قد كده .. لأ ممكن تسافر في طيران أيرلندا وتدفع بس تمن السفر .. احم .. بالإضافة للخمسين استرليني طبعا !!

هناك 98 تعليقًا:

د. ياسر عمر عبد الفتاح يقول...

هوه موضوع تفصيص الخدمة جميل
بس اللى مش جميل موضوع البكينى ده
وبعدين يقولوا إننا إحنا اللى بنهين المرأة .. مع إنهم حولوها لسلعة وعملوا جسدها دعاية
وكمان بيقولوا علينا إن عندنا هوس جنسى ؟؟
الحمد لله إن الحق ظهر على إيديهم

معلش أنا طلعت شوية عن الموضوع

صوت من مصر يقول...

ياعم نظريه حلوه بس هتوفر كتير فى الازمه دى
وعموما مفرقش 50 جنيه استرلينى عشان البكينى

KEBLAWYAT يقول...

لا تفصيص الخدمه مش حلو

هو حلو ليك كمستهلك

إنما لو انت إللى بتقدم الخدمه مش حلو ليك طبعا

ghorBty يقول...

اللي يعيش ياااما يشوف

ناس فاضيه والله

ربنا يرحمنا برحمته

ويشغلنا بالنافع لنا في الدنيا والاخره

Asmaa يقول...

بدأول يطبقوا موضوع التفصيص ده فى الكورسات

فى الباطنة مثلا كل برانش ليه سعر D:

حسام غانم يقول...

د. ياسر عمر عبد الفتاح
========================

فعلا يا د ياسر الإسلام أكتر دين احترم حقوق المرأة وحافظ عليها

مرور جميل يا دوك

حسام غانم يقول...

صوت من مصر
==============

اه طبعا يا محمد هتوفر
الواحد بيدفع فلوس كتير على حاجات مش بيستخدمها

نورت البلوج

حسام غانم يقول...

قبلاوى
=======

أيوة يا قبلاوي أنا بتكلم من وجهة نظر المستهلك طبعا

والتفصيص طبعا مش حلو لو انت اللي بتقدم الخدمة

نورت البوست

حسام غانم يقول...

ghorBty
=========

هههههههه

اه والله اللي يعيش ياما يشوف

ربنا يتولانا برحمته

مرور جميل يا غربتي

حسام غانم يقول...

*butterfly*
==============

اه فعلا
وإن هذا لشيء عظيم
عشان لو فيه برانش مش عايزين نحضره ولا حاجة

نورتي البلوج

OldCatLady يقول...

بوست زى الفل

أنا مش مع تفصيص الخدمة أنا مع نظامel package
بس اللى يبقا مسئول عن تقديمه ناس فاهمة احتياجات المستهلك و فى نفس الوقت تبقا الأسعار متوافقة معاها

الخمسين قرش بقت عملة صعبة دلوقتى

و أنت بتقولى خمسين استرلينى

والله كــده عيب

:))

Lady E يقول...

لو انتا اللي هتسافر يا حسام مش هتدفع الخمسين استرليني

وفي حاجة مشابهه مش للبيكيني طبعا لكن للpackage على طيران عربي اماراتي اسمه طيران العربية
هناك الوجبة بفلوس ولو عايز اي خدمات تانيه بفلوس برضه

-أنا موبايلي فيه خاصية تحديد موقعك عن طريق الـGPS رغم إن الخاصية دي مش مفتوحة في مصر أصلا -.

انا كمان عندي موبايل فيه نفس ذات الخاصية وكانت شغالة وجميلة جدا وبتعرفنا الطريق بره مصر لكن في مصر للأسف الخاصية مقفولة

خديجة عبدالله يقول...

لكن بعد فترة هينحدر مستوى الخدمة ككل ولا ايه ؟
بس دوما محور الدعاية هو المرأة :(
الحمد لله على نعمة الاسلاموربنا يرشدنا
بوست أفكاره كتييير :)
دمت بخير

مسدس صغير يقول...

اهو ده الطيران وللا بلاش
بكينى؟؟
فين الفكرة دى من زمان؟
هههههههههه


لا طبعا ايه الانحلال ده.
تكسب مادى دون مراعاة للمبادئ والقيم ولا حتى الفطرة
..
اشكرك على البوست الطاير الجميل ده

د/عرفه يقول...

سلام عليكم
دايما مواضيعك فريده يا حسام
انا فعلا كنت قريت الخبر ده
وقعدت افكر كده
وقولت فى نفسى لو مش حابب هعمل ايه
وبعدين هيقستوا خدمه البكينى ازاى
يعنى ده على ما اظن فرض فى الرحلات المرفهة
مش خيارى
وبشكل عام فكره تقسيط الخدمه ده شىء جميل اوى
واظن انه مناسب ولكنه مش موجود عندنا

نبض الحياة يقول...

يااااااااااااة ولسة
تفتكر فاضل ايه تانى لسة معملهوش
ربنا يرحمنا ...
دمت بخير .

mohamed ghalia يقول...

ههههههههههه
أهم حاجة الخمسين استرلينى هههههههههه
دمت بكل الود

MǿиY El-Shreef يقول...

ههههههههه

لا هو موضوع حلو حكايه تفصيص الخدمه

بس ياعيني انا قلبي ع المضيفات هيستحملوا السقعه والبرد ازاي :D

اخص عليك ياحسام

طلعت من بتوع الاسترليني ومش بتوزع اخواتك الغلابه ههههههه

حياتى نغم يقول...

السلام عليكم / د . حسام أشكرك على مرورك الكريم ، موضوع جميل عجبتنى فكرة التفصيص وأضحكنى إصرارك على الخمسين استرلينى :) ، حسبنا الله ونعم الوكيل تناقض عجيب تقدم تكنولوجى وتأخر سلوكى وأخلاقى . ربنا يرحمنا .

رحلتنا في الحياة يقول...

حلو والله الفكرة ساعات كتير برفض اشترى حاجات بسبب فكرة الpackage
حاجات مش ليها اى لزوم واكون مضطرة اشتريها غصب عنى
بخصوص البكينى بئا انا شايفة انها خدمة ممتازة فى الدول المتقدمة دى اللى بتحترم المراة وعمل المراة وبلاش تخلف ياجماعة المهم راحة الراكب :)

رحلتنا في الحياة يقول...

صحيح ايه حكاية الشاليه ده
خياااااااااااانة انت شكلك مش مصرى زينا تكونش تقرب لاحمد عز واحنا مش عارفين :)

المـــفـــــــقــــــــوعـــــة مــرارتـهــا يقول...

ربنا يابني مايجعلنا من قطاعين الأرزاق
خللي الشعب يعيش مش هاتفرق الخمسين استرليني عشان الواحد يعيش حياته بقي ويهيص ومش مهم يقضي بقيت الشهر ازاي؟

د/محمد الخطيب يقول...

هو تفصيص الخدمة ده معتقدش انه حلو اوى ذى مانت متصور ياحسام

لية بقى ؟؟

اقولك
على ما اعتقد ان دخول الحمام مثلا فى الــ package
مش هيبقى واقف عليك بجنية مثلا
تمام
يعنى هما هيزودوا عشان ياخدوا قد الــ package مرتين تلاتة

يعنى مثلا لو كلها 1000 جنية شاملة كل حاجة

ممكن اللى تستخدمة متفصص هيبقى حوالى بــ 1200 مثلا

فاهمنى

أ:يد أكيد ليهم مصلحة

وموضوع البكينى مش لطيف بالمرة

د/محمد الخطيب يقول...

هو تفصيص الخدمة ده معتقدش انه حلو اوى ذى مانت متصور ياحسام

لية بقى ؟؟

اقولك
على ما اعتقد ان دخول الحمام مثلا فى الــ package
مش هيبقى واقف عليك بجنية مثلا
تمام
يعنى هما هيزودوا عشان ياخدوا قد الــ package مرتين تلاتة

يعنى مثلا لو كلها 1000 جنية شاملة كل حاجة

ممكن اللى تستخدمة متفصص هيبقى حوالى بــ 1200 مثلا

فاهمنى

أ:يد أكيد ليهم مصلحة

وموضوع البكينى مش لطيف بالمرة

ِِAdem El-Mahdy يقول...

جميل مبدأ التفصيص

انا بحبه

وبس

إيمان يقول...

ههههههههههه
فكره حلوه موضوع تفصيص الخدمه ده
بس فى مصر هيفصص الخدمه وهياخد نفس التمن فى الخدمه القرديحى
على العموم نجرب مش هنخسر أكتر من اللى احنا خسرانينه
أحم ..كويس انك لفت نظرى لموضوع الخطوط الايرلنديه ده علشان الواحد ياخد باله من جوزو .. احسن عقله يوزه يطلع على ايرلندا ..

Unknown يقول...

هو منعك تستخدم اسطبل الخيل؟
اتفضل اركب خيل واستمتع وعيش
وووووووووووووووووأنسى ياحسام
فرفش ياأخى شوية هو حرام تفرفش:)

حسام غانم يقول...

Saydalanya Mat7oona
====================

ميرسي يا صيدلانية

طبيعي فعلا لو ناس فاهمة احتياجات المستهلك
هتبقى الـpackage مناسبة وكويسة

بس الفكرة عندنا بيحطولك الكثير من اللي مالوش لازمة مع الحاجة اللي ليها لازمة


نورتي يا صيدلانية

حسام غانم يقول...

Lady E
=========

إزيك يا طفلة

حلو طبعا حوار طيران العربية ده

عالأقل أحسن ما يدفعوك تمن كل الخدمات بافتراض انك هتستخدمها

انت كنت فين بره مصر والـGPS شغال ؟

حسام غانم يقول...

خديجة عبدالله
=============

شكرا ليكي يا خديجة

لا معتقدش إنه هينحدر بعد كده لو الموضوع نجح وحقق أرباح

لأن الأرباح دائما تؤدي إلى تحسن الخدمة

مما يؤدي إلى مزيد من الأرباح

وهكذا الدائرة


أخلاقيا طبعا موضوع البكيني ده فكرة منحلة
بتستغل المرأة أسوأ استغلال


تحياتي ليكي

حسام غانم يقول...

مسدس صغير
==========

هههههههههه

هو انحلال طبعا
بس عندهم ميعرفوش الكلام ده
الجنيه هو المتكلم الرئيسي

ميرسي ليك يا مسدس
نورت البلوج

salma mohamed يقول...

هو ممكن تفصيص الخدمة يكون مفيد لكلا الطرفين,
يعني هما اكيد مش قلبهم علينا وعاوزين مصلحتنا,
بس في النهاية هما اكيد مستفدين,
بس ان كانت الحكايه فيها بكيني يبقى نسافر في طيرانا باحترامنا احسن.

حسام غانم يقول...

د/عرفه
========

ميرسي ليك يا دكتور

هو متهيألي بتبقى من وانت بتحجز فيه اوبشن البكيني ده

وبيخلوا اللي عايزين بكيني في طيارة لوحدهم


تقع بيهم إن شاء الله

شكرا لمرورك
نورت البلوج

حسام غانم يقول...

نبض الحياة
============

هههههههههه

لا مفتكرش يعملوا حاجة تانية

كفاية كده أوي

شكرا لمرورك

حسام غانم يقول...

mohamed ghalia
================

هههههههههههه

اه طبعا

تحياتي ليك

حسام غانم يقول...

MǿиY El-Shreef
=================

ههههههههه

اه فعلا أنا صعبان عليا المضيفات

ربنا يعينهم يا ستي


وفعلا أنا دايما مش (بوزع) الغلابة :)


نورتي البوست يا أمينة

حسام غانم يقول...

حياتى نغم
===========

ميرسي ليكي كتير

وعلى رأيك

تقدم تكنولوجي وتأخر أخلاقي


شرفتي البوست

Unknown يقول...

التفصيص ده كويس لو انت محتاج حاجة واحدة بس
لكن لو احتياجاتك كتير ممكن الباكدج تبقي اوفر
تحياتي

kalamfady يقول...

والخمسين استرلينى دول يطلعو كام بالمصرى.... عشان الواحد يعمل حسابه ....

حسام غانم يقول...

ايوشة
========

فعلا يا أيوشة حاجات كتير بنشتريها مالهاش لازمة


هههههههه
اه طبعا المهم راحة الراكب


والشاليه ده يا ستي كان عرض بس يعني
مشتريناش
ماليش علاقة بأحمد عز طبعا

احم إلا لو قصدك أحمد عز الممثل طبعا
صديقي الانتيم

مرور جميل يا أيوشة

حسام غانم يقول...

المـــفــــقـوعـــة مــرارتـهـا
==================================

أنا أقطع الأرزاق

ده أنا فرحان لهم أهو

وعلى رأيك مش مشكلة إزاي هيقضي باقي الشهر

المهم يعيش حياته في السفر

نورت البلوج يا أستاذة سحر

حسام غانم يقول...

د/محمد الخطيب
================

ايوة بس لو الخدمة شاملة 15 حاجة
وانت محتاج منهم حاجة واحدة

يبقى شيء كويس انها تبقى متاحة لوحدها

بس لو عايز من ال15 دول 12 مثلا ابقى خد الـpackage

نورت البلوج يا خطيب

حسام غانم يقول...

Adem El-Mahdy
===============

ميرسي يا آدم ربنا يخليك

نورت البلوج

hasona يقول...

السلام عليكم

التفصيص
أو تخصيص الخدمة
يخدم فئات كثيرة من المستهلكين

ويخلق أنماط كثيرة من الاستهلاك

حسام غانم يقول...

إيمان
========

هههههه
بالظبط يا إيمان
في مصر التجار مش بتدور على راحة الزبون
لأ المهم يحقق أكبر مكسب

اه وابقي حرصي من ايرلندا بقى

نورت البوست

ميرام يقول...

سبحان الله
انا كنت بفكر في نفس الحاجه وبتكلم عليها من شويه ..
بس الموضوع مش موضوع تجار
(:
احنا متأخرين في كل حاجه
كنت بطلب موبيل من أميركا ..
مش موجود هنا في مصر
صاحبتي لقيتها بتقولي لو مش عايزه WI FFI وGPS هيبقى ارخص
ولو مش عايزة مش عارف ايه هيبقى بسعر كذا
وجابتلي لنفس الموبيل 4 اسعار على حسب المواصفات (:

طبعا لا تعليق ..
بس احنا فعلا محتاجين نفكر صح
تقبل مروري
تحيــــــــاتي

حسام غانم يقول...

norahaty
=========

لا بالنسبة للخيل أنا ليا معاهم ذكرى سابقة

راجعي بوست رحلة


أنا مفرفش خالص مفيش حاجة

اقري الكلام تاني وتخيليني مفرفش هتلاقي الكلام مفرفش

نورتي يا نورا

حسام غانم يقول...

salma mohamed
================

هو ده التفكير الصحيح

اللي مش مفهوم في مصر

رخص خدمتك
حسن جودتك
تبقى أحسن من منافسيك
يكتر زباينك
يكتر ربحك


مرور جميل يا سلمى
شرفتي البوست

أحمد سعيد بسيوني يقول...

جااامد يا حسام بمواضيعك دايماً

ايميلي
ana_elbahr2006@yahoo.com

بانتظار تواصلك

دمت بخير

حسام غانم يقول...

طعمية سخنة
===========

صح جدا يا طعمية

نورت البوست

حسام غانم يقول...

kalamfady
============

الاسترليني يا سيدي الفاضل بتمانية جنيه مصري

يعني الخمسين استرليني بـ400 جنيه

يا بلاش

حسام غانم يقول...

hasona
=========

بالظبط يا حسونة

صح جدا

تحياتي ليك

حسام غانم يقول...

ميرام
========

على رأيك يا ميرام

مفيش مقارنة

مرور جميل

نورتينا

حسام غانم يقول...

أحمد سعيد بسيوني
==================

ميرسي يا أحمد ربنا يخليك

أنا ايميلي

hossam771@gmail.com

ويسعدني طبعا التواصل معاك

شرفت البلوج

عابر سبيل (عبدالرحمن محمود) يقول...

انضموا معنا لحملة
الحرية للمدون الدكتور توكل مسعود صاحب مدونة بلا وطن
http://belawa6an.blogspot.com/
الحملة تنطلق من هذا الرابط
http://abersbel.blogspot.com/

د.آيه يقول...

إحم إحم إيه الناس دى ..
ربنا يعافينا..

فشكووول يقول...

الشركه الايرلنديه دى شركه محترمه
آهو الواحد يقدر زى ما يكون قاعد على البلاج
وآهو برضه يتفرج بـ 50 جنيه استرلينى
ما دام حيفصلوا الخدمة .. يبقى الواحد ممكن يضحى بـ 50 جنيه
بس غاليه حكاية البكينى دى بـ 50 جنيه
يا سلام لو يخفضوها شويه كان الواحد يسافر كل يوم على الايرلنديه
بعدين انا قاعد ما بسافرش خالص
بس آهو امل وخلاص
الواحد يبقى عنده امل ان يشوف البكينى
جاتنا نيله فى حظنا الهباب
هو الواحد عارف يروح اسكندريه
بس البكينى حلو برضه
شكرا على التعليق
تحياتى

حسام غانم يقول...

عابر سبيل
===========

ربنا مع دكتور توكل

إن شاء الله يفك سجنه

وكلنا معاه

حسام غانم يقول...

د.آيه
======

عادي نقول ايه
ثقافة غربية

مرور جميل يا آية
نورت البلوج

حسام غانم يقول...

fashkool
==========

ههههههه
على رأيك
بدل ما تروح البلاج

شكرا لمرورك يا فشكول

فكرة من الزمن ده يقول...

فكرة حلوة وسافرت مرة على شركةطيران بتعمل كده يعني تشتري الاكل وتدفع والتذاكر شاملة السفر بس
لكن ما اعتقدش ان دي هاتشوفها كتير في مصر امال التهليب يوصلوله منين؟

شمس النهار يقول...

طبعا هتلاقي كل الرجاله هيسفروا علي هذه الخطوط
واهو نوفر من هنا علي من هنا
والدنيا حر اصلا

*البت المشمشية *حلوة بس شقية * يقول...

هههههههههههه
شر البليه مايضحك والله

حسام غانم يقول...

فكرة من الزمن ده
=================

بالظبط يا فكرة

في مصر متقدرش تقول سعر كل حاجة لوحدها عشان تقدر تخنصر وتسرق براحتك

نورتي

حسام غانم يقول...

شمس النهار
=============

هههههههههه
على رأيك

نورتي يا شمس

حسام غانم يقول...

*البت المشمشية *حلوة بس شقية *
================================

فعلا !!

نورتي البلوج يا مشمشية

حسام غانم يقول...

طلاب من أجل مصر
===============

أوك !!

arsenalwy يقول...

ازيك ياحسام

بغض النظر عنموضوع البكينى

فكرة تفصيص الخدمة دى حلوة جدا ياريت البهوات بعملوها عندنا

بوست جميل

غير معرف يقول...

بكينى؟؟
بكينى ايه با عم
بس تصدق موضوع التفصيص ده اكييييييد وراه ان
يعنى اكيدهيكسبو منه اد كده يعنى هياخدوا الى هم عاوزينه بصنعه لطافه كده

حسام غانم يقول...

arsenalwy
==========

يا ريت يا محمد يا ريت

شكرا لمرورك
نورتني

حسام غانم يقول...

shayma
=======

هو الموضوع مش موضوع إن

هم أكيد هيكسبوا مش هبل

بس هيكسبوا إزاي

مش كله هيدفع قد بعضه

الغني يدفع كتير ويتبسط بالخدمات
والفقير يدفع قليل ويتبسط بالسعر

نورتي البلوج يا شيماء

حسام غانم يقول...

انت تسال والكمبيوتر يجيب
===========================

أوك !!

حسام غانم يقول...

Beram ElMasry
================

حاااضر يا بيرم

تمت الزيارة وابداء الرأي

نورتني

maha zein يقول...

ههههههههههههههههه
يا خراشتييييي

احم الخمسين استريليني
سبحان الله ربنا يرحمنا يا عم
احنا دينا حامينا ومحافظ علينا ومش مستخدمنا كسلعة يهف عليها الدبان

وبعدين مالها ميكروباظات السرفيز يعني
وحشة
هه
ذي الفل
حد لاقي
قال طيران قال
بس لو علي باكيدج الحمام دي يبقه المفروض يعملوا عرض تاني للناس اللى عندهم سكر او املاح بأن اللى ياخد كمية يتعمله تخفيض
يعني اللى يدخل الحمام مرتين ياخد معاهم مرة هدية وحتة منديل

صح ولا ايه

أبو العريف يقول...

هههههههههههههه
ياخوفي لا الجماعة بتوع مصر للطيران يقلدوهم و ويشغلو نانسي وهيفا
وامثالهم مضيفات
حكم احنا شاطرين قوي في التقليد
الحمد لله مش بركب طيارات
ولا حتي عجل

Zika يقول...

يا سلاااااااااااام
يا عم دول عالم فاضيه احنا هنا بنهاتي عشان يصلحوا القطارات الخربانه اللي بتتحرق بالناس والعبارات اللي بتقع ولا حد بيرد

حسام غانم يقول...

maha zein
===========

ههههههه
صح يا مها

نورتي المدونة

حسام غانم يقول...

أبو العريف
============

لا ده كده يبقى هيفا ونانسي بيقوموا بدور وطني

في تنشيط السياحة :)


نورت البلوج

حسام غانم يقول...

Zika
======

على رأيك يا زيكا

ربنا معانا

نورت البلوج

♥نبع الغرام♥♪≈ يقول...

السلام عليكم ورحمة الله وبركاته
تقبل مرورى الاول اخى الفاضل
بجد ضحكتنى قوووووووووووووووووووى
ربنا يسعد أيامك ولو الطيران بالشكل ده
هتبقا هيصه
ههههههههههههههههههههههههه
تقبل تحياتى ومرورى
سلامى

♥نبع الغرام♥♪≈ يقول...

السلام عليكم ورحمة الله وبركاته
تقبل مرورى الاول اخى الفاضل
بجد ضحكتنى قوووووووووووووووووووى
ربنا يسعد أيامك ولو الطيران بالشكل ده
هتبقا هيصه
ههههههههههههههههههههههههه
تقبل تحياتى ومرورى
سلامى

Soul.o0o.Whisper يقول...

السلام عليكم و رحمة الله و بركاته


أولا بأشكرك على زيارة المدونة
و يارب مش تكون الاخيرة


وحلو حكاية تفصيص الخدمة دى

بس مش هتفع فى مصر

عشان هما هيفصصوا الخدمة و مش هيرخصوها
لا يعنى هتاخد جزء من الخدمة بنفس السعر القديم
و تدفع عليه الجديد اللى عاوزه

ههههههههههههههههههههه


عشان كدا .. ارضى باللى موجود
مش جايز ربنا يكرمنا و نعرف باقى الامكانيات و نستخدمها


دمت بود

محمد سعد القويري يقول...

الأخ حسام غانم

ما شاء الله سعدت بزيارة عالمك الممتع

أما بالنسبة للموضوع
فأنا مع التفصيص بشرط إنه ما يكون مجموع التفصيص أغلى من الpackage

تحياتي
وأسعد بالتواصل مع مواضيعكم

أم فريده يقول...

هههههههههههههه
بيكينى

طب كويس انك قلتلى عشان مش هخلى جوزى يركب الطيران الايرلندى دة تانى ابدا

قال بيكنى قال

وتفصيص الخدمة دى بقت موضة عشان الحساب يتقل

يا سبحان الله انا جاية ارد الزيارة
وحضرتك منورنى فى المدونة

اتمنى دوام الزيارات

حسام غانم يقول...

عاشقه الاحزان
==============

ميرسي يا إيناس ربنا يخليكي

مرور جميل

نورتي المدونة

حسام غانم يقول...

Soul.o0o.Whisper
=================

هههههههه

فعلا على رأيك

عندنا مفيش حاجة في مصلحة المستهلك

مرور جميل

نورت البلوج

حسام غانم يقول...

محمد سعد القويري
==================

هو أكيد هيبقى مجموع كل حاجة لوحدها أكتر من الباكدج

بس التفصيص هيبقى مفيد جدا لو انت عايز حاجة واحدة من الباكدج

نورت المدونة يا محمد

وإن شاء الله يدوم تواصلنا

حسام غانم يقول...

زوجة عنيدة
=============

ايوة طبعا لازم كل واحد يخلي باله من جوزه

بس .. احم .. هو ركب الطيران الأيرلندي قبل كده ولا إيه ؟

نورت المدونة يا زوجة

وإن شاء الله تدوم الزيارات

Unknown يقول...

والله معاك حق
بس احنا حياتنا كلها باكتج واحد
ياعم والله مش حتفرق المهم كده كده حتدفع بالقطارة أو كاش
بوست رائع
وأدعوك لزيارة مدونتي
ويبقى التواصل

تامر علي يقول...

ال50 استرليني دول الواحد يحوشهم في أد إيه ؟؟؟ دول ييجوا تمن جوازه :)

فعلاً احنا بنعاني من النصب باسم التجارة مرة يقولك minimum charge ومرة يقولك أسعار سياحية (للمصريين) وأي حاجة المهم يتنصب عليك وخلاص .. لكن أكيد الأزمة الجديدة هتخلي الناس تعيد حساباتها كويس

بوست جميل

فتــافيت (رحاب الخضري) يقول...

عااااااااااااااااااااا عااااااااااااااااااا

انت عامل البوست علشان الخمسين جنيه .. مش التقصيص قر واعترف يلا

بس عارف انا متانكدة ان خدمة البيكيني هاتبقى مش لاي مسافر مش هاتبقى ايكونمي وينزل لك بيكيني ما كده كل الركاب هاتعيش بالخمسين بتوعك

لكن شور هاتبقى لرجال الاعمل وكل واحد ليه البيكيني بتاعه

بوست عثثثثل والله عثثثثثثثثثل

بس عيب كده شجع منتج بلد.. لازم نركب مصر للطيران طبعا

يعني لما الطيارة تقع.. متلاقيش حد يموت فيها ولا ايه؟

هي ديه الوطنية برضو

salma mohamed يقول...

في انتظار جديدكم.

احساس طفلة محبة للرومانسية بس واقعية يقول...

اها الناس بتفكر وتفكير ايجابى
طبعا بعيدا عن البكينى دا مش ايجابى خالص

بس اية لزوم تخفيض سعر التذكرة وبعدين
ندفع فلوس على الطيارة ؟؟

هو صحيح ممكن الواحد ميدخلش الحمام خالص
بس برضو ممكن مرة تانية يدخل 10 مرات

بس الظريف ان مش هيكون فى طابور على الحمام قبل ما الطيارة تنزل بساعتين
كلوا هيبقى اعد مستنى الطيارة تنزل فى كرسية

والزحام هيكون فى المكار نفسة
:)

تقبل مرورى

حسام غانم يقول...

معتز شاهين - باحث تربوي
========================

شكرا لمرورك وتعليقك يا أستاذ معتز

مدونتك رائعة ومفيدة جدا

نورتني

حسام غانم يقول...

تامر علي
==========

بالظبط جدا يا تامر

النصب باسم التجارة ده بقى في كل حاجة

شكرا ليك يا تامر

نورت البلوج

حسام غانم يقول...

فتافيت
=========

ههههههههه

لا مش كله هيعيش بالخمسين بتاعتي طبعا
ده بعدهم

هو النظام متهيألي إن هتبقى طيارة بنظام البيكيني وطيارة لأ

بيسألك وانت بتحجز يعني

وبالتالي كل المسافرين عالطيارة دي بيدفعوا


نورتي البوست يا فتافيت :)

حسام غانم يقول...

salma mohamed
================

معلش يا سلمى كنت مشغول جدا الفترة اللي فاتت

فيه موضوع جديد حاليا

ميرسي جدا لسؤالك ومتابعتك

حسام غانم يقول...

احساس طفلة محبة للرومانسية بس واقعية
=================================

ههههههههههههههه
حلو التفكير المنطقي بتاع الحمام ده

بس الفكرة إن مش الحمام بس

فيه حاجات كتير ممكن اللي مش عايز يدفع كتير يستغنى عنها

زي الحمام والوجبة والمشروب والجرايد والحاجات دي

دي بيبقى مدفوع فيها فلوس على أساس إنك هتستخدمهم


نورتي البوست يا احساس طفلة