الجمعة، 8 مايو 2009

هجوم الهدوم

هجوم الهدوم

C l o t h e s   A t t a c k

 الصور رسم صديقي محمد سامي

في أحد البيوت المصرية ..

وبالتحديد في خزانة الثياب ..

أشعل القميص الأبيض جهاز الراديو في أسى وجلس يستمع ..

{ ... (توكة) .. تن تن .. (توكة) .. تن تن .. (توكة) إن كنت أحبك تاني (توووكة) ... }

ليطلق على إثرها القميص تنهيدة حارة، فقال له التي شيرت الأخضر :

-  " إيه يا بني اللي انت عامله في نفسك ده ؟ "

-  " الحب مبهدلني خالص يا تي شيرت "

ضحك التي شيرت قائلا :

-  " ودي مين بقى بنت الحلال اللي شقلبت حالك كده ؟ "

اقترب القميص منه وقال :

-  " اللي بحبها يا سيدي هي .. وش وش وش وش وش  .. "

نظر له التي شيرت مشمئزا وقال :

-  " يا راااااجل .. بقى دي اللي عايز(تعلقها) .. ده انت ملكش خالص في (الجينز) اللطيف"

-  " أعمل إيه بقى .. (ملاية) الحب عامية .. ده أنا حاولت ألفت نظرها بأكتر من طريقة ومش معبراني "

-  " يا عم سيبك من شغل الأكـ(رباط) بتاعك ده وروح كلمها على طول و.... "

وهنا ارتفع صوت البنطلون الأزرق ينادي الجميع :

" يا ولاد تعالوا .. الماتش بدأ "

فالتف الجميع حول جهاز التليفزيون التو(جيبة) وقاموا بظبط (الإيريال) فظهر صوت المذيع :

" ... والكورة دلوقتي في نص الملعب بياخدها اللاعب (حزام) حسن .. وبيعدي من الأول والتاني .. وهوبا يقطعها الدفاع .. تيجي لمحمد (بكرات) وماشي بكرات .. وبيباصيها لنجم الجماهير محمد أبو (تريكوه) اللي بيشوط عالجووون .. لااااكن بعيدة .. تتلعب ضربة المرمى ويستقبلها النجم حازم (كُمام) وبيرقص وبيشوط و... "

وهنا ارتفع صوت بكاء القميص الأبيض

فأغلقوا التليفزيون وسألوه " ايه مالك يابني "

-  " اهئ اهئ أصل اللعيب اللي أنا بشجعه مبيلعبش "

-  " ليه انت بتشجع مين ؟ "

-  " (قميص) جعفر طبعا "

*        *        *

بعد أن فرغت قطع الملابس من تناول عشائها قال البنطلون في يأس : " يااااه يا جدعان .. اللي بيحصل لنا ده كتير .. محدش يرضى بكده أبدا "

رد الشورت الاسود مؤيدا : " أيوة فعلا معاك حق أنا لسه الموضوع ده كان في دماغي وكنت عمال أفكر فيه "

قال التي شيرت الأحمر : " آه وأنا كمان كان في دماغي ومش عاجبني حالنا .. حد تاني يا جدعان شايف كده ؟ "

أومأ الجميع برؤسهم علامة الموافقة

فصاح التي شيرت الأحمر بغضب : " الله .. يعني كلنا مش عاجبنا الوضع الحالي ومنتكلمش .. لولا بس كلمة البنطلون مكناش عرفنا "

رد الشراب : " أصلي كنت فاكر إن أنا لوحدي اللي مش عاجبني الوضع "

تعالت الهمهمات المؤيدة من الجميع قبل أن يقف الجاكت ويسكتهم بيده ويقول بهدوء :

" طيب .. دلوقتي بما إننا مجتمعين و(النقاب) القانوني مكتمل .. عايزين نرتب مع بعض ايه اللي مضايقنا وايه اللي عايزينه "

تعالت الأصوات :

-  " احنا بنتلبس طول اليوم ومفيش وقت نستريح فيه "

-  " احنا بيلبسنا واحنا جداد ونضاف ويرمينا لما نقدم "

-  " عايزين مرتبات "

-  " عايزين نشتكي لمنظمات حقوق الهدوم "

-  " عايزين معاشات للهدوم اللي تقدم "

-  " عايزين رعاية صحية "

-  " عايزين فانتا تفاح "

وصاح أحدهم : " احنا الوضع الحالي بتاعنا ده إهانة لينا كلنا لازم نعمل حاجة "

قال الجاكت : " طيب ما نبعت وفد مننا لمحمود يتفاوض معاه "

رد الشورت " لا يا جاكت .. ما احنا اتفاوضنا قبل كده ومفيش حاجة اتحلت .. حقنا لازم ناخده بإيدينا "

رد القميص الأزرق : " احنا نعمل اضراب عام ومنشتغلش "

سكت الجميع لوهلة قبل أن يظهر على وجوههم التأييد للفكرة ثم تصايحوا في سعادة  :

-  " أيوة ونشوف بقى هيعمل ايه من غيرنا "

-  " أيوة يا ناخد حقوقنا يا منشتغلش "

-  " الإضراااااب الإضراااااب يا نخلي عيشتكوا هباب "

-  " من حقنا .. من حقنا .. نحلم بحضن يضمنا .... آآآي "

-  " خليه يعرف قيمتنا "

-  " ماما .. ماما .. يعني إيه إدلاب ؟ "

وفي النهاية قال الجاكت : " كويس يبقى خلاص اتفقنا عالإضراب .. خلوا بالكم بقى اوعى حد ينزل الشغل من أول دلوقتي .. ونعتبر الفترة القادمة دي أجازة مفتوحة لينا "

وبالفعل بدأ الاستعداد للإضراب على قدم وساق ..

وعلقت اللافتات ولصقت الإعلانات ..

وازداد التوتر والقلق ..

حتى جاءت اللحظة .. عندما هم محمود للخروج ..

وفتح خزانة الثياب في لامبالاة ..

ومد يده وأمسك القميص الأبيض من كمه .. وهم بإخراجه ..

فأسرعت باقي الملابس تمسك القميص من كمه الآخر ..

تفاجأ محمود لهذا التغير فزاد من قوة سحبه ..

فتشبثت الملابس بقوة وقالت للقميص : " متخافش يا حسونة .. احنا مش هنسيبه ياخدك "

وبدأوا ينظموا أنفسهم متخذين هيئة السلسلة الشهيرة ..

وشرعوا يغنون : " هيلا هيلا .. هيييييييييييلا هيلا هيلا.. هيلا هيلا .. هيييييييييييلا هيلا هيلا "

وبالفعل أحرزوا تقدما ملحوظا وكادوا ينتزعوا القميص - اللذي عرفنا أن اسمه حسونة - من أيدي محمود ..

لولا أن محمود قام بجذبة أخيرة قوية قطع بها الكم الذي في يده ..

فسقطت الملابس إلى الخلف فوق بعضها ..

وارتفع صياح محمود مناديا أمه التي جاءت سريعا وأخذت القميص والكم ..

وأغلقت الخزانة ..

ساد الصمت ثوان ثم قال البنطلون : " اووووووووه .. أخدوا القميص .. هنعمل ايه ؟ "

هم الجاكت بالرد لولا أن سمعوا جميعا صوت صراخ القميص قادما من الخارج  ..

ففتحوا باب الخزانة قليلا ونظروا .. ويالهول ما رأوا ..

-  " دول بيعذبوه يا جدعان "

-  " يا مسكين يا حسونة "

-  " الست المفترية بتستخدم أسلحة محرمة دوليا "

-  " كل ده عشان قرر يطالب بحقه "

-  " أنا قولتها من زمان .. مفيش فااايدة "

وبعد أن أنهت الأم خياطة الكم أرجعت القميص إلى الخزانة ..

فانطلقوا يواسونه ويشدوا من أزره وسط الحزن والبكاء من النساء .. والثورة والتهديد من الرجال .. وقال الجاكت :

" لا يا جماعة الوضع كده مايتسكتش عليه .. لازم ننتقم لحسونة .. كل الرجالة تستعد عشان هنهجم من بكرة الصبح "

*        *        *

مع ظهور أول ضوء لشمس اليوم التالي .. كانت قوات الملابس على أهبة الاستعداد للمعركة ..

وأخذ الجاكت يدور عليهم لإعطاء التعليمات وبث روح الحماسة ..

ثم جاءت النساء لتوديع الأبطال قبل الذهاب

-  " شد حيلك يا فرغلي .. منصورين إن شاء الله "

-  " مع السلامة يا سوسن .. خدي بالك من ابننا حفاضة "

-  " متخافوش هنأدب محمود ونيجي على طول "

-  " ربنا معاك يا عبده "

-  " استنوا يا جماعة أنا عايز أروح الحمام "

ثم قال الجاكت : " يا ولاد احنا النهاردة يوم تاريخي في حياتنا .. لازم كلنا نبقى قد المسئولية .. ركزوا معايا .. بعد ما ندي الأمر بالهجوم هننتشر في البيت كله وبعدين هنهجم عالبني آدمين ونطردهم من البيت .. يلا يا ولاد .. الله .. الوطن .. الخزانة ...... هجوووووووووووووم "

انطلقت جحافل الهدوم تشق الطريق ..

ثم انطلقت الهدوم ذات نفسها تلحق بجحافلها ..

واجتاز الأبطال باب الغرفة .. وبينما هم في طريقهم للانتشار عبر الردهة اقترح القميص أن يتسلحوا بالأطباق والمزهريات الموجودة .. فاستحسنوا الفكرة وبدأوا في التنفيذ .. وبينما يجمعون الأطباق تعثر البنطلون وسقط الطبق منه على الأرض وتهشم .. ففزعوا جميعا من الصوت قبل أن تظهر الأم على باب المطبخ منذرة بالويل ..

وفشلت الخطة ..

*        *        *

جمعت الأم الملابس ووضعتهم في السبت المخصص للغسيل .. وأخذتهم ..

وتعالى صراخ الملابس : " لاااااااااا .. هما هيعملوا فينا إيه "

قبل أن تأخذ الأم البنطلون وتلقي به في الغسالة ..

ثم ذهبت الأم .. وظهر البنطلون من خلف الباب الزجاجي للغسالة وقال لرفاقه في السبت :

" لا يا جماعة .. ماتسيبونيش كده .. أنا صحتي ماتستحملش .. اعملوا حاجـ ... ويو ويو ويو ويو .. آآآآآآآآآآآآه .. ويو ويو ويو ويو .. الحقونييييييييييي .. زووووووووووو .. يّا يّا يّا يّا يّا يّا

*        *        *

بعدها حملت الأم قطع الملابس المبتلة وذهبت بهم إلى البلكونة .. ونشرتهم على الحبال ..

وقال البنطلون للقميص :

-  " الله .. إيه التذنيبة دي ..ومقلوبين وحاجة نيلة .. ده الغسيل كان أرحم "

-  " يا عم أرحم إيه .. ده انت كنت عامل زي الفرخة في الغسالة "

-  " ما هو كله منك أصلا ومن (شورتك) المهببة "

-  " هقول إيه .. أهو عالأقل عملت حاجة مش زيكوا محدش (شال) المسئولية "

-  " هأو .. اللي يسمعك ببتكلم يقول الواد اللي (كاب) الديب من ديله "

-  " (بالطو) بتغلط فيا .. انت لو كان عندك (ياقة) بدنية مكانش الطبق وقع منك "

-  " يا سلام .. قال يعني انت اللي (روب) فان دام زمانه "

فصاح الشورت :

-   ما تبس بقى يا جدعان .. الواحد ميعرفش ينام منكم .. يلا (أومو) من هنا ..

*        *        *

في المساء جمعت الأم الغسيل المنشور ووضعته في السبت ..

وفي السبت قال الجاكت :

" يا جماعة احنا اتهزمنا النهاردة عشان خطأ بسيط .. مش عايزين روح اليأس تدب فينا .. والخطأ ده إن شاء الله نتلافاه في المستقبل و... "

وهنا ظهر الفزع في عيون الكرافتة .. فقطع الجاكت كلامه وهم بالاستدارة ليرى ما خلفه .. إذا بيد الأم تنتزعه من مكانه .. وتضعه على الترابيزة ..

وقبل أن يفهم ما يحدث .. رشت الأم عليه بعض المياه .. ورفعت المكواة وأنزلتها عليه .. فصاح في ألم : " فشششششششششششششش "

ثم قال بصوت واهن :

" يا جماعة اوعوا تستسلموا .. وزي ما قال الحكيم برنيطة ..

{ دايما فيه أمل في (التايير) } "

وفقد النطق ..

هناك 132 تعليقًا:

د/عرفه يقول...

أول تعليق
مش ده الموضوع اللى كان موجود فى المجلة

د/عرفه يقول...

موضوع جاااااامد
كالعادة حسام

احساس طفلة محبة للرومانسية بس واقعية يقول...

هاهاهاهاهاهاهاهاهاهاهاهاهاها
هاهاهاهاهاهاهاهاهاهاهاهاهاها

مش ممكن بجد اية الخيال العلمى
الكوميدى الواقعى دا

طيب انت عرفت الحوار ازاى بتفهم لغة هدومية ملابسية بحتة

فكرة غريبة وجديدة وعجبتنى جدا
تقبل مرورى

MǿиY El-Shreef يقول...

ههههههههههههههههه

عجبتني اوووووووووي ياحسام والله

جدا جدا جدا

لا ودي بالخصوص

مع السلامة يا سوسن .. خدي بالك من ابننا حفاضة

هههههههههههههههههههههه

تسلم ايدك

فنان والله :)

صوت من مصر يقول...

يابنى انا حاسس ان الكوره دى جوه دماغك اهلى وزمالك واسماعيلى

ايومي يقول...

(:
واعجبتني
فيشششششششششششششششش

walaa rizk يقول...

راااااااااااااااااااااااااااااااااااااااااااااااااااااااااااااااااااااائعه جداااااااااا بجد

تحفه

أحمد سعيد بسيوني يقول...

التايييير هو الحل

فكرة من الزمن ده يقول...

فعلا دايما في امل في التايير
والاضرابات دي شورت ها مهببة هههههه
جميل اوي البوست ياحسام ومحبوك اوي
ومن الاخر بلاك كوميدي على مستوى
بس بالطو مش حانستسلم
ههههههههه
تحياتي

ايمان مجدى يقول...

رااااااااااااااااااااااااااائع جدا
الاسلوب والكلام حلو قوى بجد
ان شاء الله المرة الجاية ميتهزموش وربنا ينصرهم

د. ياسر عمر عبد الفتاح يقول...

يخرب بيت خفة دمك
بجد جامدة جداً
إيه الألش ده كله
ههههههههههههههههههههه

باالمناسبة تعرف إيه الي قبل الألش؟

أيوه صح
تشعومية تشعة وتشعين


عجبني أوي الموضوع ده بجد
تسلم إيدك
عاوزين الحاجات الكوميدية دي كثير بقي
عاوزين نضحك شوية في ايام الكرب الإمتحانية دي

حسام غانم يقول...

د/عرفه
=======

مبروك عليك أول تعليق يا سيدي

ميرسي كتير يا باشا

بس مجبتليش تقريرك عن المجلة لسه

عايز تقرير وافي كامل متكامل ابعتهولي عالايميل

منورني دايما عرفة بيه

حسام غانم يقول...

احساس طفلة محبة للرومانسية بس واقعية
========================

ميرسي كتير ليكي احساس طفلة

طبعا اللغة الهدومية دي لغة متداولة جدا

بيتكلم بيها 3 في العالم

مرور جميل

منوراني دايما

حسام غانم يقول...

MǿиY El-Shreef
================

:)

ميرسي يا أمينة

يا كوكب الشرق الجديدة ؛)

حسام غانم يقول...

صوت من مصر
============

اهو شفت يا كيمو

أنا مش منحاز لحد أهو

جايب من كله


مرور جميل يا كيمو

حسام غانم يقول...

ايومي
======

ميرسي أيومي

شرفتني بمرورك

حسام غانم يقول...

عاشقه الاقصى
=============

مييييييييييييييييييييييييييييييييييييرسي يا عاشقة الأقصى

منوراني دايما

حسام غانم يقول...

أحمد سعيد بسيوني
=================

بالظبط كده :)

منورني دايما

حسام غانم يقول...

فكرة من الزمن ده
==================

ههههههههههههههههه

ميرسي يا فكرة

(بشكير) عليا الكلام ده


نورتي البوست

حسام غانم يقول...

ايمان مجدى
===========

هههههه

ميرسي يا إيمان

ربنا ينصرهم إن شاء الله :)


نورتي البلوج

fnoonh يقول...

ههههههههههههههه
بجد موضوع جميل انا حاسة اني كنت قاعدة في مشغل ملابس
انت عارف والله وانا بقرا موضوعك كنت ببص لهدومي وبتخيل ان لو في حوارات بجد كده بتحصل بينهم
ياااااااااه بجد موضوع جميل جدا
تسلم ايدك وفعلا والله هوه التايير الحل

موضوع كوميدي وجميل وضحك الواحد على الصبح تسلم ايدك عاوزين كده ديما

تقبل خالص تحياتي

mimi يقول...

حمد الله علي السلامة

يارب أخر الأحزان إن شاء الله تعالي

المهم البوست ده مهم جدا ... فعلا لو الحاجات بتتكلم وإحنا مش سامعين هتقول إيه؟
ياتري الكيبورد بتاع الكمبيوتر بيقول عني إيه ؟

ولا الكرسي اللي بلزق فيه ومش بقوم

طيب جزمتي ... وشرابي ... وقلمي ... وشنطتي ...

أكيد أكيد كل دول زعلانين مني ...

طيب الأكل اللي بناكله بنوجعه؟

طيب النتيجة اللي متعلقة علي الحيطة وبنقطع في ورقها يوم ورا يوم وتترمي اخر يوم في السنة دي بتزعل ...

مش عارفة ... أنا ممكن أصحي من النوم بنطلوني يقوللي لأ مش هتلبسيني النهاردة شوفيلك جيب غيري ...

ياااااااااااه الموضوع كبير أوي يا حسام ... وبجد دماغك هايله اللي خليتني أفكر في كده...

معلش كان نفسي أطول عليك أكتر من كده بس الماوس عاوز ينام ...
يلا ...
سلامو عليكو

MǿиY El-Shreef يقول...

طب صحيح هو مين الي رسم :D

سؤال نسيت اسأله

Unknown يقول...

هههههههههههههههههه
حلوة اووووى يا حسام
تسلم ايديك و دماغك و بنطولاناتك و تى شيرتاتك

بجد ما شاء الله عليك

الا قوللى بالنوسبة للتى شيرت الأحمر زعلان ليه و حاسس باليأس رغم انه اهلاوى
ههههههه
؟!

حلوة اوووى كمان انك خليت الكلام ماشى مع اسامى الملابس

و اكيد البالطو لما البنطلون كان بيتكلم كثير
البالطو رد عليه و قاله
شراب و لا كلمة
shur up
:-))))

حسام غانم يقول...

د. ياسر عمر عبد الفتاح
=====================

هههههههههههههههه

تشعومية تشعة وتشعين اه

ربنا يوفقك في امتحاناتك يا سيدي

ويوفقنا كلنا :(


شكرا لمرورك :)

حسام غانم يقول...

fnoonh
========

ميرسي كتير يا أفنان

خدي بالك من هدومك بقى لاحسن تقلد القصة :)


منوراني دايما

Radwa Amr يقول...

حلو أوي على فكرة ....بس أول مرة أعرف ان الناس بتوع طب عندهم وقت يعملوا حاجة تانية غير المذاااكرة :))

بس بجد حلو أوي و مسبتش حد في الهدوم ما لوش لزمة كل واحد كان لييه دور :))

حسام غانم يقول...

mimi
======

هههههههههههههههههههه
هههههههههههههههههه


الماوس عايز ينام !!

جامدة ضحكتني جدا


مرور جميل يا ميمي
نورت البلوج

حسام غانم يقول...

MǿиY El-Shreef
================

منا كاتب يا بنتي تحت العنوان أهو
اللي رسم صديقي محمد سامي

إيه رأيك ؟

Unknown يقول...

والله ضحكتنى وانا فى امس الحاجة فعلا لشوية ضحك...ربنا يكرمك يا دكتور


كنت عايزة افكرك بموضوع المجلة..انت قلت هتشارك..مستنياك قريب ضرورى جدا

حسام غانم يقول...

بدراوى
=======

ههههههههههه

أيوة ما القميص زعلان عشان أهلاوي ؛)


ميرسي لمرورك بدراوي

منورني دايما

حسام غانم يقول...

Radwa Amr
=========

لا طبعا عيب عليكي

بتوع الطب دول أكتر ناس عايشين حياتهم

لأ وكمان معظم كتاب الشباب دلوقتي أطباء

يظهر إن فيه علاقة بين الطب والكتابة :)


نورتي البلوج في أول زيارة يا رضوى

وإن شاء الله يدوم التواصل

حسام غانم يقول...

enjy
====

ميرسي كتير يا إنجي

ربنا يسهل يا إنجي الموضوع في دماغي مش ناسيه

وربنا يسهل


منوراني دايما

mohamed ghalia يقول...

ياعينى ده الهجوم طلع كبير أوى
ربنا يستر

رحلتنا في الحياة يقول...

ههههههههه بجد والله تسلم ايديك وافكارك تحفة
ولازم مش نياس ابدا دايما فى امل فى التايير
ههههههه

حازم النبراوي يقول...

هههههههههه

دولاب العجايب دة؟؟؟؟؟

بجد جميلة جداااااااااااا

خيال واسع (اكس اكس لارج) مش (مييام ) ولا (سمووول) ههههههههه

تحياتى وتقديري

Unknown يقول...

بالنسبة للموضوعات المتاحة او المجالات فدة انا سايباه لحريتك الشخصية مؤقتا.....لو ساخر مفيش مشاكل ولو سياسى كمان شغال ...يعنى براحتك خالص ولو فى كذا حاجة ابعتهم ونرتبها مع بعض..

شكرا يا دكتور حسام على اهتمامك والله

dramaqueen يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بجد تحفة
جامد جدا

تسلم ايدك

Radwa Amr يقول...

هو يا حسام شكل مصر كلها بقت بتكتب
بس فعلا برافو عليك أويي
و ان شاء الله من هنا و رايح هتلاقيني بغلس عليك كده كل فترة :))

ميرام يقول...

(:
!!!!!!
!!
!!!
!!
!!!!!!
!!!!

ده مش تعجب على فكره
بس للأسف معملوش في الكيبورد
علامات انبهار !!
اه والله
انا منبهرة
وهاين علي أسقف على التحفة دي
ثواني

بجد والله سقفت
ولا اسمها صفقت ... (:
برافو بجد
وبانتظار الجديد

شمس النهار يقول...

مش ممكن انا كنت هموت من الضحك وبم اني فنانه من كتر وصفك الدقيق حسيت اني بتفرج علي رسوم متحركه تسلم ايدك

koketa يقول...

ايييييييييييه الدماغ العابية دى


بوست هايل

koketa يقول...

تصحيح


دماغ عالية جدااااااا


مش عابية

بلاش فضايح يقول...

هههههههههههههههههههههههههههههه
ههههههههههههههههههههههههههههههه

جميل اوى وعندك طريقة فى الكتابة رائعة

بس حلو اوى فكرته حلوة

تحياتى

MǿиY El-Shreef يقول...

ماخدتش بالي والله

العتب ع النظر يابني :D

بس حلوين اوي والله

انا افتكرتك بتعرف ترسم ومخبي :D

غير معرف يقول...

هو مش هدفه سياسي برضه يا حسام ؟؟

لو كده

صدقني يبقي المقال ده ملوش حل؟؟

استمر يا جميل ومتالع جديدك

اخوك ... سندو

بنجاواتى يقول...

انا هكتب تعليق مع انى ريت الموضوع ده هنا قبل كده بس مش فاكر كتبت تعليق ولا لا-الزهايمر ده ولا ايه-

ايه ده ده انا نسيت الموضوع كان ايه..آه آه افتكرت

مفيش فايدة -زى ما قال هانى رمزى-

بس موضوع جامد والعرض جامد جدا

نومستا

lecaa يقول...

موضوع لذيذ
كنت محتاجة اضحك فعلا...

سوبيا يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يا خباااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار
بس نفسي انقطه
من الضوحك
بوست جامد جامد جامد يا حسام
بجد دمااااااااااااااااااااااغ
تسلم ايدك
كفاية كده اما اقوم من ادام الجاز قبل ما يقولوا فالبيت البنت اتجننت

Soul.o0o.Whisper يقول...

ههههههههههههههه

بجد بجد الموضوع جااااااااااااااامد

لا بجد مت من الضحك


دمت ، و دام ابداع قلمك

Asmaa يقول...

أجمد موضوع فى مجلة
TRl
مش هقدر اقول غير روعة بجد

رؤية يقول...

لذييييذة جدا جدا

^_^

تسلم ايديك

تحياتى

Unknown يقول...

ههههههههههههههه

والله فطستني من الضحك

10/10

حلوة حكاية إضراب الهدوم دي
فكرة تصدق

ويبقى التواصل

koketa يقول...

دكتور حسام فيه لحضرتك تاج هدية عندى اتمنى انك تجاوبه بجد

حسام غانم يقول...

mohamed ghalia
================

اه طبعا مش أي حاجة يا محمد

مرور جميل

حسام غانم يقول...

ايوشة
=======

ميرسي أيوشة

ودايما فيه أمل في التايير


منوراني دايما

حسام غانم يقول...

حازم النبراوي
==============

شكرا يا حازم

دولاب العجايب اه


منورني دايما

حسام غانم يقول...

enjy
======

أوك ربنا يسهل

حسام غانم يقول...

dramaqueen
==========

ميرسي دراما ربنا يخليكي

مرور جميل

حسام غانم يقول...

Radwa Amr
==========

ثانكس رضوى

ويا سلام تغلسي براحتك طبعا

بيتك ومطرحك

نورتي البوست رضوى

حسام غانم يقول...

ميرام
=========

يااااااااااااه يا ميرام

ميرسي كتير كتير كتير

بجد رفعتي من معنوياتي جدا

نورتي المدونة

حسام غانم يقول...

شمس النهار
===========

ثانكس شمس

حلو الخيال في القراية ده


نورتي البلوج

شمس بقى :)

حسام غانم يقول...

koketa
=========

ميرسي كوكيتا :)


مرور جميل

حسام غانم يقول...

بلاش فضايح
==========

شكرا نهى

نورتي البوست

حسام غانم يقول...

MǿиY El-Shreef
===============

هو أنا برسم في الحقيقة

عالورق وبالألوان والكلام الحلو اللي نعرفه ده

إنما فوتوشوب والكلام ده ماليش فيه أوي

علميني بقى :)

حسام غانم يقول...

سندو
=====

حبيبي يا سندو

ميرسي كتير

هو فيه حتت سياسي وحتت اجتماعي اه

أحيي فيك قوة ملاحظتك

منورني دايما

حسام غانم يقول...

بنجاواتى
==========

نومستا

ميرسي كتير يا ... هو أنا كنت برد على مين ... ميرسي يا بنجا


وعقبال ما نهني بعض يوم الاتنين :)


مرور جميل

حسام غانم يقول...

lecaa
========

ميرسي د لقاء

وربنا يوفقك في امتحاناتك

حسام غانم يقول...

سوبيا
=======

هههههههههه

ميرسي كتير كتير يا سوبيا


ربنا يكرمك يا رب


منوراني دايما

حسام غانم يقول...

Soul.o0o.Whisper
===============

ثانكس ألوت يا سوول

مرور جميل

نورتي البلوج

حسام غانم يقول...

*butterfly*
============

ميرسي د باتر

ربنا يخليكي


نورتي البلوج

حسام غانم يقول...

رؤية
=====

شكرا ليكي جدا جدا


تحياتي ليكي

نورتي البوست

حسام غانم يقول...

معتز شاهين - باحث تربوي
====================

شكرا جدا أستاذ معتز

نورت البلوج حضرتك

حسام غانم يقول...

koketa
========

شكرا ليكي على إهدائي التاج يا كوكيتا

بس للأسف هضطر أعتذر عن إجابته حاليا لظروف الامتحانات

دعواتك

DR.SMART يقول...

جامدة جداااااااو جديدة طبعاااااااا يا حسام ..

ومن أكتر الحاجات اللي عجبتني في المجلة ..

و التايير التايير هيخلي عيشتكو حرير..

بالتوفيق دايما :)..

إيمان يقول...

هههههههههههههه
هههههههههههههههه
بجد تحففففه وجديده جدااااااااا
تسلم ايدك
وبعدين مجلة ايه اللى الناس بتتكلم عليها

wesoooooooooo يقول...

السلام عليكم
هههههههههههههههههه
بجد موضوع تحفه
رائع
تصفيق حاااااااااااااااااااااد
أعذرنى معلش ياحسام مقصره فى الردود بس ده لظروف خارجه عن إرادتى
ان شاء الله متابعه من جديد
تحياتى

حسام غانم يقول...

DR.SMART
=========

هههههههههههه

ثانك يو يا سمر

ربنا يخليكي يا رب


نورتي البوست

حسام غانم يقول...

إيمان
=======

ميرسي يا إيمان

المجلة يا ستي مجلة اسمها TRL

عاملها أنا وأصحابي وبنوزعها عندنا في الكلية

وعاملة شهرة كويسة


مرور جميل يا إيمان

حسام غانم يقول...

wesoooooooooo
============

ميرسي ليكي يا وسام

ومفيش تقصير ولا حاجة

ربنا يوفقك في امتحاناتك لو كان عندك


نورتي البلوج

المعتصم يقول...

بجد ياحسام تحفه
تسلم ايدك
دا انا طول ماانا قاعد بقراها وانا هاتك ياضحك
لدرجة انى كنت متخيل منظر الهدوم فعلا
ههههههههههههههههههه
تسلم ايدك يادكترة

hasona يقول...

السلام عليكم
الفكرة جميلة قوي

والجمل والعبارات التي عبرت عنها
وتلك المواقف التي أصاغتها في كلمات بسيطة
وجميلة

أوضحت حقنا بالتعبير علي جميع المستويات حتي لو في الخيال

موضوعك حمل أفكار جميلة
يفهمها الجميع ويحلم بها

تحياتي
وكل سنة وانت طيب
خد بالك من نفسك بقي

Khaled Selim يقول...

أنا قريته في المجلة الأول

خيالك فكاهي يا حسام
أنا فعلاً حسيت بمدى الظلم الواقع على الهدوم

MaNoOoSh يقول...

ههههههههههههههههههههههههههه
حوار جامد قوى يا حسام
بس يا ترى الهدوم هتعرف تخلع وللا ايه الحكاية.

محمد عبد الباسط يقول...

روعة من هنا للصبح

اضحكتني جزاكم الله خيرا

تقبل تحيات


حلم كبير

تامر علي يقول...

كده "بالطو" يا حسام .... لاء... بس بجد بوست في "الجونيلا" :))))

عندك حاجه مقاس 42

تحياتي :)

غير معرف يقول...

ههههههههههههههه
ههههههههههههههههههه

اسلووووبك يجنن وخصوصا لغة الهدوم الخطيرة هههههههههههههه

بوست مهضوم كتيررررررر

تسلم ايدك عالابداع الكوميدي

دمت بالف خير

خديجة عبدالله يقول...

المفروض أقول ايه بس
روعة تحفة جميلة ممتعة لأقصى حد
أضحك الله سنك أسعدتنى جدا جزاك الله خيرا

عجبنى فكرة اللغة الهدومية والاضراب والسبل بس لما الهدوم بإمكانها تعمل كل ده احنا مالنا بقه مش مصدقين اننا هنعرف نغير حاجة :)

جميلة ابداعاتك استمر وربنا يوفقك وينفع بك
فى انتظار المزيد

Unknown يقول...

قولتلى بقى:
انطلقت جحافل الهدوم تشق الطريق ..
ثم انطلقت الهدوم ذات نفسها تلحق بجحافلها ...............
هههههههههههههههه
هههههههههههههه
ههههههههههه

حسام غانم يقول...

المعتصم
=======

ميرسي يا معتصم ربنا يخليك

منورني بزياراتك دايما

حسام غانم يقول...

hasona
=======

ههههههههههه

وانت طيب يا حسونة

شكرا جدا لإطراءك


مرور جميل

حسام غانم يقول...

Khaled Selim
============

حبيبي يا يحيى


نورت البوست بتعليقك

امواااااااه

حسام غانم يقول...

MaNoOoSh
=========

ميرسي يا منوش

ادعيلها بقى

وهي هتحاول تاني


مرور جميل

حسام غانم يقول...

محمد عبد الباسط
==============

شكرا جدا يا محمد

وربنا يوفقك في الامتحانات


نورت المدونة

حسام غانم يقول...

تامر علي
=========

ههههههههههه

في الجونيلا اه

منور والله

حسام غانم يقول...

ঔღঔ نـــوارة ঔღঔ
=================

ميرسي يا نوارة

حلوة بوست مهضوم دي


منوراني دايما

حسام غانم يقول...

خديجة عبدالله
===========

يااااااااه

شكرا جدا يا خديجة

بس أهي الهدوم فشلت في الآخر أهي

وزي ما قال سعد زغلول مفيش فاااااايدة :)

مرور جميل يا خديجة

حسام غانم يقول...

norahaty
===========

:)))

منورة يا دكتورة

MǿиY El-Shreef يقول...

ايه ده بترسم

يلا بقى ورينا حاجه ياحسام

لن اتنازل

Ahmed Al-Sabbagh يقول...

:)))
إنت عبقرية سخرية ماشاء الله
ورسوماتك جميلة جداً

حسام غانم يقول...

MǿиY El-Shreef
==============

هههههههههه

ماشي يا موني

ربنا يسهل

مسيري هنزل حاجة

حسام غانم يقول...

Ahmed Al-Sabbagh
=================

صباغ باشا ربنا يخليك

نورت البلوج

و .. احم .. الصور مش رسمي دي رسم صديقي محمد سامي

well يقول...

بجد حاجة ممتازة ودخلت دماغى اوى
كأنى بتفرج على فيلم حكاية لعبة دبلجة يحيى الفخرانى واحمد بدير
او فيلم نيمو دبلجة عبلة كامل

محمد سعد القويري يقول...

الأخ الفاضل :: حسام غانم ::

بعد التحية

أشكرك على هذه النزهة الفكرية

وربنا يكون مع الهدوم ..

حسام غانم يقول...

well
====

شكرا يا ويل

فعلا الأفلام دي جاامدة جدا

ومن حاجاتي المفضلة :)

نورتني في أول زيارة

وإن شاء الله يدوم التواصل

حسام غانم يقول...

محمد سعد القويري
=================

شكرا ليك يا محمد

انت فعلا من الناس اللي بستنى تعليقاتهم وآراءهم


منورني دايما

ريمان يقول...

يا نعيش عيشه فل يا نموت احنا الكل


والله حاجه فل الفل
ههههههههههههههه

الصور تحفه اووووووووى

مذكرات مشاغب يقول...

ههههههههههههههههههههههههههههههههههههههههههههههه
هههههههههههههههههههههههههههههههههههههههه

يخربيت عقلك يا حسام
جامده
رهييييييييييييييييبه والله

على راي بيسو التايير هو الحل

تحياتي

د. إيمان مكاوي يقول...

خيال خصب ,وقدرة على التقاط الكلمات المناسبة
أحييك أستاذ حسام

amany يقول...

ههههههههههه ..جااامده

♥نبع الغرام♥♪≈ يقول...

السلام عليكم
ها ها
هوهوهوهو
هههههههههههههه

جامده مووووووووت
وانا بقول الهدوم بتعمل كده ليه وبيغيب فى الغساله
ههههههههههه
والله عسل موووت
ربنا يوفقك يارب
تحياتى
إيناس

OldCatLady يقول...

هههههههههههه

ايه العسل ده....موضوع مفتكس بجد

لا والاكلام متظبط و عال العال

تسلم الأيادى يا حسام

safa7_karmooz يقول...

ههههههههههههههههههههههههههههه

معدية

اسمحلى هنقلها فى مكان تانى ^_^

حسام غانم يقول...

ريمان
======

ميرسي ريمان

الصور رسم صديقي محمد سامي


نورتي البوست :)

حسام غانم يقول...

مذكرات مشاغب
=============

ميرسي يا صقر بيه

احم

قصدي ميرسي يا سيادة الريس :)

بيسو ده اللي هو أحمد سعيد ؟

حسام غانم يقول...

د. إيمان مكاوي.. أم البنين
========================

شكرا لحضرتك يا دكتورة

مرور جميل

حسام غانم يقول...

amany
=======

ثانكس أماني :)

حسام غانم يقول...

عاشقة الأحزان
============

هههههههه

ميرسي يا إيناس

منوراني دايما

حسام غانم يقول...

Saydalanya Mat7oona
=================

ميرسي يا أماني

ربنا يخليكي

وربنا معاكي في الامتحانات :)

Israa El-sakka يقول...

ههه أول تعليق ليه في المدونة كل ده عشان نلبس ياااه ده أحسنلنا نعد في البيت رأفة بالهدوم الغلبانة ...فكرتني بالحيرة بتاعة كل صبح حنلبس إيه ...تحياتي على المدونة الرائعة

حسام غانم يقول...

Israa El-sakka
=============

شكرا يا إسراء على كلامك الجميل

نورتي المدونة

وإن شاء الله يدوم التواصل

أم البنات يقول...

ماشاء الله
مميز فعلا استمتع جدا"
وخيال رائع
جزيت خير ادخلت على قلبى السرور

Darsh Basha يقول...

موضوع جامد الصراحة ..وعجبنى بشدة
والاضاربات اللى وصلت للهدوم كمان.زوانا بقول برضة الناس عايزة تطلع من الهدوم لية ..

تحياتى

حسام غانم يقول...

أم البنات
==========

شكرا أم البنات

سعيد جدا بكلامك

نورتي البلوج

حسام غانم يقول...

mosooz
=======

ميرسي موسوز

ربنا يخليك

نورت المدونة في أول زيارة

وإن شاء الله يدوم التواصل

غير معرف يقول...

وبعدين معااااااااااااك

ده انت طلعت دماغ بأه
بجد انا كنت حاسه كده فعلا طلعت طلعت وانا اللي فاكرك فاكر طلعت اتاريك اتاريك
هيهييهيهيهيهي

جامد يا حسام

مها ميهوووو

أبو العريف يقول...

ههههههههههههههه
جامده قوي يا حسام
والله تسلم ايده
حلوه قوي الفانتاسيا دي
بس كنت هزعل قوي لو ماجبتش حازم كمام
كنت هقول عليك متعصب ولامؤاخذه
بيس يا مان
انا هروح بقي اتطمن علي الدولاب
سلام

حسام غانم يقول...

أحسن تـستاهـل
==============

ميرسي جدا يا مها

هو أنا مش فاهم أوي الحقيقة

بس مرور جميل

نورتي البلوج يا مها

حسام غانم يقول...

أبو العريف
===========

أهو شفت

مفيش تعصب خالص أهو


منورني دايما يا أبو العريف

VÖltaa يقول...

تحفففففففة بجد

ايه ده ياعم

دى لو اتعملت فيلم انيميشن

هتاخد اوسكار يابرنس

حسام غانم يقول...

Mo7ammed
===========

ميرسي يا محمد

نورت البلوج

Rania Lelah يقول...

ربنا الموفق ان شاء الله و اعتذر عن تقصيرى معك