الخميس، 11 يونيو 2009

بموضوعية


من المسلسلات القليلة التي تابعتها علي التلفاز كان مسلسل رمضاني بطولة فردوس عبد الحميد .. وفي الحقيقة لا أعرف السبب الوجيه الذي جعلني أتابع المسلسل رغم علمي بأن مشاهدة فردوس عبد الحميد ليست أفضل شيء يقوم به المرء لشغل وقت فراغه ..

أتذكر أن زوجها طلقها في بداية المسلسل وتزوج بأخرى فساءت حالتها النفسية وعانت الأمرّين في حياتها .. حتى قررت الانتقام .. فاستغلت باقي الحلقات لتوجه الضربات إلى زوجها وأخذت تدبر له المكائد وتخطط له المقالب حتى وجهت له ضربتها الكبرى حين استبدلت حقيبة أوراقه قبل ان يعلن عن مشروع هام أمام الإعلام فخسر كل شئ .. وهكذا انتصر الخير في النهاية وخرج زوجها الوغد مهزوماً وفرح المشاهدون ..

في الحقيقة هذا المسلسل يلعب على فكرة أن الشعب المصري شعب عاطفي يزن الأمور بقلبه قبل عقله ..

يحدث الطلاق فيبتعد الزوج عن الأحداث وتظل الكاميرا مع الزوجة لمدة حلقتين لتصور كم هي ملاك طاهر مرهف الحس لا يتوقف عن البكاء .. إذن فالزوج وغد خائن .. ولو أننا نظرنا للوضع بموضوعية من منظور فوقي سنجد أن الرجل طلق زوجته .. هذا حقه .. فأحالت حياته جحيما وأفسدت مشروعه .. إذن لا يمكن أن نتعاطف مع البطلة لمجرد أن زوجها طلقها و ( عيطتلها حلقتين ) ..

تعال إلى عناوين الصحف بعد أي امتحان من امتحانات الثانوية العامة واقرأ معي "مذبحة الفيزياء" – "مأساة الكيمياء" – "ألغاز التفاضل" مع صورة لأحد الطلبة باكياً وتقرأ التفاصيل لتجد طالب يقول أن الامتحان أضاع مجهود عام دراسي كامل وآخر يقول أن الامتحان أضاع أمله في درجات مرتفعة .. لتجد نفسك تتأسف على حال هؤلاء الطلبة المساكين وتدعو الله أن ينتقم من واضعي الامتحان وتتحسر على ظلم وزير التعليم للطلبة .. هذا هو التفكير العاطفي الذي أقصده ..

حسناً .. دعنا نحلل الأمر بموضوعية .. هل من المفترض أن يجيب جميع الطلبة عن كل الأسئلة ؟ .. بالطبع لا .. كي يكون الامتحان نموذجياً يجب أن يحتوي على مستويات متدرجة من الأسئلة لتحدد مستوى الطلبة .. أي أنه من المفترض أن يحتوي الامتحان على 20% من الأسئلة لا يستطيع الإجابة عنها سوى أفضل 20% من الطلبة .. إذن فهو أمر منطقي أن تجد 80% من الطلبة وقد عجزوا عن حل خمس أسئلة الامتحان ..

الواقع أن أحداً لا يعترف بهذا التفكير العقلاني ويصروا على اتهام الامتحانات بالتعجيزية مما يمثل ضغطاً كبيراً على واضعي الامتحانات .. فتأتي الامتحانات أسهل ويؤدي ذلك إلى المجاميع الخرافية الحالية حيث تتركز حوالي نصف المجاميع فوق مجموع 90% ..

تخيل معي خبراً عن سيارة مسرعة صدمت طفلاً صغيراً على الطريق السريع وقل لي انطباعك .. حسناً .. لا تنظر إليّ هكذا .. أعرف أن هذا الأمر من المسلّمات ولكن قل لي .. ها .. جنون السرعة .. الشباب الأرعن .. وماذا ؟ .. التهور واللامبالاة .. الاستهتار بحياة الناس ..

كل هذا جميل .. ولكن ألا يمكن أن يكون الطفل هو المخطئ ؟ .. تنظر إليّ باندهاش وتقول كلاماً من طراز " هذا طفل صغير فكيف تلوم عليه ؟ " .. بالظبط هذا ما أقصده .. الخطأ ليس على الطفل لمجرد أنه طفل .. رغم أن هذه الحادثة غالبا ليست خطأ السائق .. السائق يقود على الطريق السريع المخصص للقيادة المسرعة .. والطفل يندفع إلى الطريق وسط السيارات .. فيحدث الاصطدام .. ولكن من يستطيع قول ذلك ؟ .. لا بد من خبر عن الحادثة مثير للمشاعر من النوع الذي يضع صورة للطفل يلعب بين زملائه في المدرسة .. فلا تستطيع إلا أن تفكر وتحكم باستخدام عاطفتك فقط ..

في الاسكندرية هناك عدة عمارات سكنية مبنية في منطقة يقول المسئولون أنها معرضة لانهيارات جبلية .. هذا بالإضافة إلى العمارات الآيلة للسقوط في مناطق كثيرة من الدولة .. حاول أن تطلب أن تقوم الحكومة بإخراج السكان وإزالة العمارات وانظر إلى رد فعل الناس ..

في تقرير عن عمارات مشابهة على إحدى القنوات أخذ سكان تلك العمارات يسبّون الحكومة ويدعون عليها .. ومنهم من هدد بالاعتصام في المبنى .. ومنهم من قال أن هذه العمارات موجودة منذ زمن و( ربنا اللي بيستر ) .. وآخر قال متبعا نظرية المؤامرة ( لمصلحة مين البيوت دي تتهدم ؟ ) .. إنها لمصلحتك انت يا سيدي .. فكر بموضوعية .. أم أنك تنتظر حادثة دويقة أخرى ؟ .. ولو حدثت سيلقي اللوم على الحكومة لتقاعسها عن إخراج السكان من منازلهم قبلها ..

فلننحي مشاعرنا يا سادة .. ولنجعل القلب لا يسبق العقل في الحكم على الأمور .. ولنفكر بموضوعية .. ولنرى الأمور دائماً من منظور فوقيً .. حتى لا نجد أنفسنا نتعاطف .... مع فردوس عبد الحميد !!

هناك 96 تعليقًا:

احساس طفلة محبة للرومانسية بس واقعية يقول...

صعب جدا يا حسام

هو كلامك قدرت اتقبل منة 80 % تقريبا
بس فى 20% مش عارفة اقبلهم
يعنى مش دائما الطفل بيعدى فى الطريق السريع والسيارة بتكون ماشية بألتزام على سرعة معينة
فى اللى فى الشوارع العادية والسائق حب يختصر الوقت فلف فى شارع اتجاه واحد
او السائق ملتزم والناس بيتعدى من نص الطريق وبتجازف بحياتها ساعتها اتفق معاك منرميش اللوم على السائق

بس التعاطف بيكون نابع من مشاعر انسانية مش بس عاطفية لان فى حد مصاب وبنكون حاسين وعارفين مشاعر اهله وبس مقدرينها

الامتحانات احيانا بتيجى تعجيزية حتى 5 % ميقدروش يجوبوا عليها انت تقدر تقول ان امتحان مادة واحدة تكون اسئلتة نموذجية بس مش كل المواد يعملوا سنة نموذجية
كل مادة على حدى لو فيها 20% جاوبوا يبقى اكتر من نص الطلبة فى ال 5 مواد هيجيب فوق ال 90 % ودا مبيحصلش ولو حصل تلاقى دخلنا فى مشكلة تانية وهى الكليات ومفيش مكان فيها فالتنسيق عالى طيب ساعتها هنتعاطف مع الشباب اللى طالع ضدد مين ؟

كل سنة بكل امتحان ليها اعتبارات
وكل سائق وكل جريح او مصاب فقيد ولية اعتبارات
بس فى الامور اللى ذكرتها تحديدا عنك حق
اما عامة اعتقد مفيش امر مسلم بهة ثابت نقدر نحدد بيها مشاعرنا او تفكيرنا

تقبل مرورى

احساس طفلة محبة للرومانسية بس واقعية يقول...

نسيت اقولك المسلسلات كويس انها جت على قد كدا دا مسلسل من ايام العصور الجميلة
انت بطلت تشوف مسلسلات من ساعتها ولا اية ؟
هاهاهاهاهاها

شقاوة مراهقة يقول...

كلام حلو ..

كلام جميل ..

كلام عقلاني .. وموضوعي ..

بس احيانا كتير الكلام بيبقى سهل ..

تفتكر انت لو مكان اي حد فـ المواضيع دي .. ومع تأثير اي صدمه فـ حياتك ..

هتفكر بموضوعيه كده !!..

بس ده مايمنعش ان البوست جميل .. وكلامك ميه ميه ..

بس غالبا (( بتكلم عن نفسي )) مش بنقدر نتحكم فـ مشاعرنا وقت الصدمات ..

تحياتي

اختك / شقاوة مراهقة

د. ياسر عمر عبد الفتاح يقول...

زي ما قلتلك قبل كده
موضوع رائع يا حسام

KEBLAWYAT يقول...

رائع كالعاده يا حوس

أنا كنت كاتب قبل كده مقال فى المسابقة بتاعة دكتور أحمد خالد توفيق .. كنت بقول فيه حاجه زى كده بس كانت ع السينما و عن إنك تقدر بيها توجه الرأى العام لحاجه أو تخليه يتعاطف مع وجهة نظر معينة لإن ببساطه دايما البطل هو اللى على حق ، لإنك بتعيش معاه و بتزعل أما بيزعل و تفرح أما يفرح م الآخر كإنك بتبص بعينه يعنى



بس رائع يا حسام

شقاوة مراهقة يقول...

البوست علق معايا ..


عشان جيت تاني ..

حبيت اقول اني شايفه ان العاطفه حاجه حلوة مش وحشه ..

احسن ما يكون الواحد جامد ..

وكتير العقل بيلغي العواطف ..



وبردو ده مايمنعش انك البوست جميل جدا .. والدليل انه معلق معايا وقعدت افكر فيه ..

معلش عملت زحمه وجيت تاني ..

:D

تحياتي تاني يا دوك

Radwa Amr يقول...

عجبني الموضوع جدا و متفقة مع وجهة النظر لأن في وقت من الأوقات لازم الواحد يحط مشاعره على جنب زي بالضبط ما القاضي بيعمل بيبص للأمور من ناحية العقل مش القلب

Unknown يقول...

التفكير بموضوعية(فى الازمات
وفى الانفعالات)من الملكات
اللى يمكن كتير من الناس
وبأعترف انى -واحدة منهم-
لا يملكونها.فى تدوينة سابقة
لى بعت مواساتى للاستاذ اللى
تسبب فى قتل الطفل اسلام لما
ضربه وحين ما حُكم عليه(المدرس)
بالسجن :(الدنيا قامت عليا
ولم تقعد(الحمد لله والا كانت فطستنى)
ازاااااى ده مجرم ده قاتل ده مش
عارف ايه؟طبعا انا مش ام الطفل
اسلام القتيل لكن والله يادكتور حسام
ساعات فيه اطفال (بيقوا والعياذ
بالله شياطين فى العفرته )تبقى مش عارف
تعمل معاهم ايه ولا اعتقد ان المدرس
كان نيته القل ابدا ابدا لكنه القدر.

Unknown يقول...

معلش يافندم
طولنا فى الرد
استحملنا بقى:)

لاسع افندى يقول...

احنا شعب عاطفى
بس واضح ان اللى مضايقك فردوس عبد الحميد


تحياتى

المعتصم يقول...

ايه ياعم حسام
هو انت خلصت امتحانات ولا لسه ؟؟
وبعدين هى دى نتيجة المذاكرةوالتركيز؟؟
والله كويس
الواحد يركز شويه يبقى موضوعى
هههههههههههههههه
معاك حق فى حاجات كتييير من اللى قلت عليها (وخصوصافردوس عبدالحميد وفاروق الفيشاوى)
ههههههههههه
انما الموضوعيه دى عاوزة ناس هاديه كده تقعد وتحلل وتشوف الاسباب
الناس دى بقى تجيبها منين عندنا هنا؟؟
صعب صعب صعب
احنا شعب مالوش علاقه بالموضوعيه دى نوهائى
ونصيحه منى ماتحاولش مافيش فايده
ههههههههههههههههههههه
تقبل مرورى وتحياتى

د/عرفه يقول...

عجبنى تحليلك يا حسام

انا برضه مش بحب أحكم على الامور بسرعة كده او بشكلها الخارجى
بس مهما يكن العاطفة بتتدخل فى احكامنا برضه
انا بحاول اجنبها بس لازم يكون ليها دور
يعنى لازم نقللها شوية


المهم عملت ايه فى الاطفال



وبعدين يا راجل فى حد يتفرج على فردوس عبد الحميد
ههههههههههههههه

ايومي يقول...

موضوع يستحق الاحترام
هو مهم ان يكون لنا تفكير عقلاني لا يطغى على العاطفه والعكس,
لكن في كثير من المواقف اللي ذكرتها بيكون فعلا في جوانب تانيه في الواقعه تستدعي التعاطف بشكل اكبر لان بالتفكير العقلاني هيكون برضه فيه خطأ على الطرف التاني حتى وان كان مش دايما لكن احيانا,
(: حد فاهم حاجه

حسام غانم يقول...

احساس طفلة محبة للرومانسية بس واقعية
===================

ياااااااااه بحب أنا المناقشات دي

بالنسبة لموضوع الطفل

احنا مش مختلفين فيه على فكرة

طبيعي فيه مواقف بيبقى السواق غلطان

ومواقف تانية يبقى الطفل غلطان

المطلوب بقى اننا في حكمنا عالأمور نقدر نقول مين الغلطان بعقلنا

منخليش السواق دايما هو الغلطان

طبعا ده ميمنعش اننا نتعاطف مع الطفل وأهله ونعيط وكل حاجة

بس ده ميأثرش على حكمنا


الحتة بتاعة الامتحانات الحقيقة مش فاهم كلامك أوي

هو لو كل مادة على حده لو 20% جاوبوا
يبقى في كل المواد 20% مجاوبين مش نص الطلبة

ده على اعتبار إن هم هم نفس العشرين في المية هم هم

وكمان واقعيا ما فعلا نص الطلبة بيبقى فوق 90%

المسلسلات هو أنا تابعت مسلسلات بعده اه

إنما ده كان حازز في نفسي الصراحة :)


نورتيني بمرورك
ومبروك عليكي أول تعليق

حسام غانم يقول...

شقاوة مراهقة
=============

ده شيء طبيعي يا شقاوة مراهقة

صعب جدا إن الواحد يتجاوز عاطفته ويحكم عقله لو هو اللي في الموقف

ومحتاجة تحكم كبير في النفس


شكرا ليكي
نورتي البوست :)

حسام غانم يقول...

د. ياسر عمر عبد الفتاح
===================

شكرا ليك يا دوك

رفعت من روحي المعدنية فعلا


منورني دايما

حسام غانم يقول...

قبلاوى
========

ميرسي قبلاوي بيك

وأنا عايز أقرا مقالك بقى

ابقى ابعتهولي أو نزله عالبلوج


نورك غطا عالكهربا

حسام غانم يقول...

شقاوة مراهقة
==============

سعيد إن البوست علق معاكي

أنا مش قصدي بتاتا بتاتا إننا نلغي العاطفة

أو إن العاطفة حاجة وحشة

بالعكس الإنسان من غير عاطفة بيقى جامد

بس فيه مواقف عاطفية كتير بتأثر في تفكير الواحد وحكمه عالأمور

وهنروح بعيد ليه

شفتي خطاب اوباما

أهو لعب عالحتة دي برضه

يقول لك حتتين من القرآن على حتتين اشادة بدور الاسلام في التاريخ

خلانا مهيأين انه راجل حلو وبيتكلم صح

مهما قال بعد كده

فاهماني

زي ما بيقول لك مينفعش ست تشتغل قاضي

عشان حكمها بيتأثر بعاطفتها

ده مش معناه إن العاطفة ده شيء وحش

دي هي اللي مخليانا بني ادمين


اه بالمناسبة هو انت مدونتك ايه ؟

حسام غانم يقول...

Radwa Amr
===========

بالظبط يا رضوى

شكرا ليكي كتير

منوراني دايما

VÖltaa يقول...

كلامك كتير منه انا معاه
بس فى حاجات برده ياحس لازم نوزنها بقلبنا
مثلا حكاية الطلبة والامتحانات الصعبة
اما يبقى الطلبة كلهم طالعين يعيطو
معناه ان الامتحانات صعبة
ماشى
بس على 80% من الطلاب
دى متبقاش قلة مزاكرة
والا كلنا بقينا شعب غبى
اينعم انا كنت واحد من 80% دول
بس شفت مجموعة لايتعدو على صوابع الايد من 20%
وده لأنهم عباقرة بجد
مش معقول الدولة بتحط امتحانات للعباقرة بس
المفروض يراعو
وصدقنى لو الناس بصت بنظرتك دى ومع كامل احترامى
الطلبة هتنتحر
لأن محدش هيهتم بيهم
وبرده راعى انك لو اب وابنك اتعمل فيه كده
هتفكر بقلبك لأن عقلك عاوز كده
معلش طولت عليك
بس تحليلك جميل والله
وانا بفكر احيانا كده واحيانا كده

تسلم يا حسام
ومبروك على الرجوع لكتابة البوستات ياجميل

حسام غانم يقول...

norahaty
===========

عجبتني جدا طريقة تفكيرك دي يا دكتورة

مية في المية المدرس مقعدش بقى يخطط وهقتله ازاي والشر ده

غالبا الواد عمل حاجة تستاهل الضرب

فهو ضربه

ممكن اللي حصل إن الضربة عملت vagal attack ولا حاجة فمات فيها

يبقى مش مرر إن تطلع الأصوات تطالب بالاعدام والكلام ده


نورتيني يا دكتورة

حسام غانم يقول...

لاسع افندى
==========

هههههههه

اه طبعا مش عارف ازاي كنت بتفرج عالمسلسل ده


تحياتي ليك

حسام غانم يقول...

المعتصم
========

أيوااااااا

هو فاروق الفيشاوي

وأنا قاعد عمال أفتكر مين الشخص اللي كان جوزها

فاروق الفيشاوي

واضح انه كان مسلسل متميز فعلا


أنا لسه مخلصتش الامتحانات لا

هنخلص آخر تمانية :(


نورت البلوج معتصم بيه

حسام غانم يقول...

د/عرفه
=======

الحمد لله الأطفال كويسين وبيسلموا عليك

العاطفة مهمة جدا

إنما لا مش المفروض انها تتدخل في الحكم عالأمور


منورني دايما

حسام غانم يقول...

ايومي
======

هو أنا ممكن أتعاطف وكل حاجة

إنما المفروض مخليش عاطفتي تأثر على حكمي

بالمناسبة هو مدونتك ايه ؟


منوراني دايما

حسام غانم يقول...

Mo7ammed
=============

ازيك يا محمد

الله يبارك فيك يا باشا

هو كلمة الامتحانات صعبة دي كلمة نسبية

يعني انت مثلا بتقول كانت الامتحانات صعبة بالنسبة لك

بس هل معرفتش تحل ولا سؤال

أكيد عرفت تحل كتير

واللي معرفتوش المفروض فيه غيرك حله

وبالتالي يبقى غيرك ده مستواه أعلى منك ويستحق يجيب أكتر منك

مش معقول كانت الامتحانات في دفعتكوا تعجيزية على الكل وإلا كان زمان الطب واخد من 70%

لا الطب كان واخد من 97% باين

وده رقم كبير جدا برضه

منورني دايما يا محمد

المعتصم يقول...

انت عارف
ايوااااااااا فاروق الفيشاوى
دى قعدت اضحك عليها ييجى ربع ساعه
الله يحظك ياحسام
بس على فكرة
انا ماسمعتش المسلسل لانى ماعنديش مرارة اسمع مسلسلات عربى
انا كنت شوفت التتر وانا معدى من قدام التليفزيون بس
ههههههههههههههههههههههه
سلام

KEBLAWYAT يقول...

هو ع البلوج فعلا يا حسام

أبو العريف يقول...

للاسف يا حوس
احنا شعب عاطفي
واتعودنا اننا مانخدش المور بوضوعيه
في كل حاجه ابتداء من االكوره
لحد الكلام الجامد اللي انت قلته

تحياتي ياعم الحج

dr_meeting يقول...

السلام عليكم ورحمة الله وبركاته ...
كالعادة يا دكتور حسام موضوع رائع..
طبعا المفروض مش ننقاد ورا عواطفنا بدون تفكير لكن طبعا مينفعش نلغيها...
والمفروض يكون فيه توازن لكن الأسبقية بتكون للعقل ...
_وفي الأساس أنا بحاول أطوع الاثنين لرضا الرحمن_
----------
بس ليه حضرتك مش بتنزل مواضيع جميلة ذي دي ع المنتدى...

أحمد سعيد بسيوني يقول...

لقد رشحت موضوعك من أفضل خمسة مواضيع خلال الأسبوع

دمتم

حسام غانم يقول...

المعتصم
========

ههههههه

يا رب دايما سعيد يا رب

حسام غانم يقول...

قبلاوى
========

اها لقيته

مقال متميز فعلا يا قبلاوي

حسام غانم يقول...

أبو العريف
===========

بالظبط كده يا أبو العريف

نورتني يا جميل

حسام غانم يقول...

dr_meeting
============

وعليكم السلام ورحمة الله وبركاته

كلام مظبوط جدا

وإن شاء الله كل لما ألاقي موضوع ممكن يبقى مناسب هحطه عالمنتدى

هو حضرتك مين عالمنتدى صحيح ؟

حسام غانم يقول...

أحمد سعيد بسيوني
=================

شكرا يا أحمد

أنا والله كل أسبوع ببقى ناوي أرشح

وحاجة تعطلني

الاسبوع ده كمان مكنتش متابع المدونات للأسف فمش هعرف أرشح

منورني دايما

Lady E يقول...

احنا شعوب شرقية يا د . حسام اللي بيميزنا التفكير بالعاطفة

اكيد العاطفة مطلوبة علشان الحياة متبقاش باردة
بس انا معاك ان لازم نفكر كويس جدا
لما ميزان الامور يتقلب زي الحوادث اللي بتحصل مثلا وبيبقى الغلط دايما على الشاب الروش او الشابه الروشه اللي باباهم جابلهم العربية علشان يموتو بيها الناس براحتهم مع ان مش شرط ان السبب في الحوادث يكون اللي بيسوق

بالنسبة للناس اللي بياخدو منهم بيوتهم اكيد مكانوش هيعملو كده لو في بديل لكن في همجية انهم بياخدو بيوت الناس دي ويسيبوهم مع نفسهم في الشارع !!

وعلى فكرة بالنسبة للمسلسل فعلا الزوج كان خاين وعميل ويستاهل اللي يجراله لأن الزواج والطلاق مش لعبه وبدام هو متجوزها يبقى مش من حقه انه ينفصل عنها الا برضاها لازم يتكلم معاها الاول ويقولها هي مقصرة في كذا وكذا ولو استمرت يتفقو الاتنين على الطلاق والطلاق بالطريقة اللي كانت في المسلسل دي مش من حقه لان حسب ما انا فاكرة المسلسل ان فردوس عبد الحميد لغت حياتها وكان جوزها هو حياتها فمعتقدش ان جزاء الحب والاخلاص الطلاق

MaNoOoSh يقول...

انا معاك فى اننا نفكر بموضوعية
انما مش معني كدة اننا نلوم على الضحية لمجرد تغيير منطق تفكيرنا

ماشي الزوجة صحيح فى المسلسل ملهاش مبرر انها تهدم مستقبل زوجها علشان تنتقم.. لكن مش معني كدة اننا نعتبرها شريرة لمجرد فعلها دة.
ما يمكن هم الاتنين اشرار ويستحقوا بعض


والطفل الصغير حتي لو غلط ولومناه.. ممكن نعلمة لكن صعب نحاسبه وهو طفل لسة عقلة منضجش.



بس هي دعوة للموضوعية انا معاك فيها.. لازم نفكر ونحكم على الامور بحيادية.. علشان نوصل لحكم عادل.

well يقول...

عجبنى البوست قوى وصدقنى بعد ما قرئته فضلت افكر فى حجات كتير ولكن بموضوعية

ريمان يقول...

مش مقتنعه بكلامك خاااااالص

OldCatLady يقول...

من الطبيعى ألا تجد أحد يفكر بموضوعية لأنك لو كلمت حد بموضوعية هتلاقى نفسك لبست تهمة انك واحد من أتباع داروين و مبدأ البقاء للأصلح مع المزيد من أنت معندكش قلب....دم...أو نظر

فى موضوع الطفل اللى بيطلع من اللامكان قصاد العربية دى حصلت مرة معانا أنا و بابا و احنا مسافرين و بالرغم من انه طريق سفر سريع طلع طفل ما من مكان ما و كنا فعلا هنموته يومها لولا بابا لحق الفرامل فى اللحظة الأخيرة طبعا عيلته كلها طلعت و هاتك يا تقطيم فينا و طبطبة على الولد...يومها مقدرتش أسكت ...غلطت أمه اللى خرجته يلعب بره البيت و هى عارفة انهم قريبين من طريق سريع...و حتى مع افتراض أنها حذرته بعناد الأطفال و فضولهم الشهير انتهى بيه الأمر قدام عربيتنا...و فى الحالتين برضو الغلط من ناحيتهم

فى موضوع الثانوية العامة...هى العملية كلها بايظة مجتش على الخبرين المتلفقين اللى بيتحطو فى الجرايد

و المسلسلات العربى يكفينى انى أقول ان المسلسل بيتكتب و بيختاروا الممثلين و بيصوروا و بيقدموه للتليفزيون عشان يلحق رمضان فى خمس..أو ست شهور بالكتير فهو بالكاد ممكن يكون مقياس لأى حاجة

جميل ان الواحد يكون موضوعى صعب انه يكتشف انه عايش وسط ناس بيمقتوا الموضوعيين

موضوع عبقرى يا حسام
:))
تحياتى

نوارة يقول...

انا متفقة معك بكلامك

المفروض نبص للمواقف من جميع الجوانب يعني مش شرط يكون الزوج الظالم والزوجة البريئة والعكس برضوا ممكن

لازم نعرف الاسباب قبل ما نتعاطف مع طرف معين انا شفت المسلسل بس من فترة طويلة انت لسه فاكره وعلى فكرة الزوجة كانت مهملة بزوجها وكل حاجة عندها الطبخ والتنظيف ومع ذلك كانوا عايشين وزي الفل

والزوج بيحبها رغم كل شي بس جت وحدة وخطفته :)

واحتمال يكون السائق غلطان واحتمال برضوا يكون الطفل هو الي غلطان

من شهر تقريبا حصلت حادثة مؤثرة جدا بحارتنا طفل عمره سنتين اتعلق بسيارة توزيع المياه من الخلف والسائق ما انتبهت عليه وكان بيرجع للخلف فداس عليه جامد ودماغه اتفتفتت ومنظره كان فظييع ومات فورا ربنا يرحمه

الناس كلها اتعاطفت مع الطفل واهله لكن الحقيقة انه الطفل الغلطان والكل شهد بكدا حتى والد الطفل قال انه ابنه الي غلطان والسائق مخدش باله منه لانه صغير جدا والسيارة كبيرة

فكلامك موضوعي ومنطقي فعلا لازم نحكم على الامور من جميع الجوانب مش نحكم بعاطفتنا

بوست رائع كالعادة

دمت بالف خير

حسام غانم يقول...

Lady E
========

منورة البلوج يا ليدي

هو أنا مش فاكر بالظبط أحداث المسلسل بس المهم الفكرة يعني مش على ده بالذات


مرور جميل :)

حسام غانم يقول...

MaNoOoSh
=========

أنا مقلتش نلوم عالضحية

أنا بقول نخلي تفكيرنا حيادي غير منحاز لما نيجي نحكم

لأن بالطبيعة عاطفتنا هتشدنا في صف الضحية


منوراني دايما منوش

حسام غانم يقول...

well
=====

ميرسي يا ويل

منورني دايما :)

حسام غانم يقول...

ريمان
======

هههههههه

ماشي يا ريمان الاختلاف في الرأي لا يفسد للود قضية


منوراني دايما

حسام غانم يقول...

Saydalanya Mat7oona
==================

رد أكتر من رائع يا أماني

متفق معاه تماما

بتعجبني آراءك دايما

نورتي البوست :)

حسام غانم يقول...

نوارة
=======

ميرسي ليكي يا نوارة

وأهو زي ما قلتي الحادثة دي

أبو الولد فكر بموضوعية وقدر يحكم صح

شوفي بقى موضوع زي ده كان هيبقى في الجرنال ازاي


مشرفاني دايما يا نوارة :)

dr_meeting يقول...

أنا لقاء ..
تحياتي..

Khaled Selim يقول...

متفق معاك جداً جداً جد في جزئية إمتحانات الثانوية العامة


ومتفق معاك برضو في الباقي

فعلاً إحنا شعب سخيف

شمس النهار يقول...

وبيلوموا علي المراه انها بتحكم قلبها الشعب المصري كله بيحكم قلبه

الاهم من ده كله ان كل حاجه تتحط في نصابها وماتاخدش اكتر من حجمها

لواتعاملنا بمنطق الوسطيه مش الجموح كل حاجه هتكون كويسه

يعني الناس اللي بتفضل تموت تحت الانقاض وماتعزلش فاقده اصلا الثقه في الحكومه والمالك
لو حد فهمهم وحاول يشوف لهم البديل وخصوصا فعلا ان الارض بعد كده بتتباع بمبالغ خياليه والناس تكون اترمت في الشارع
فبيقولوا كده كده ميتين نموت في بيتنا احسن

بشكرك علي الموضوع الجميل ده

حسام غانم يقول...

dr_meeting
==============

يااااه ايه الغباء بتاعي ده

تحياتي ليكي يا دكتورة

حسام غانم يقول...

Khaled Selim
==============

حبيبي يا يحيى :)

حسام غانم يقول...

شمس النهار
===========

كلامك صح تماما يا شمس



وكالعادة هقول لك نفس الدعابة

نورتي البوست يا شمس :)

تامر علي يقول...

أنا مبحبش فردوس عبدالحميد :) ... علشان كده متفق معك تماماً .... لكن المسألة هي أن أحياناً البيئة الفاسدة التي نتجت عن الاستهتار هي التي سببت الحوادث ..فبعيداً عن فردوس عبدالحميد لأني متفق معك عليها :) فلماذا تصر الحكومة على إفشال السياسات التعليمية بوضع مناهج فاشلة أثبتت تجارب العالم كله فشلها وتصر عليها ؟؟؟ وكذلك فلماذا سكتت الحكومة عن العمارات المخالفة من البداية ولم تمنع اللص الذي بنى وباع ؟؟؟ لأنه ببساطة دفع لمهندسي الحي ورئيس الحي وكل مرتشي في الحي ... والناس تسكن لأنها لاتملك خيار آخر فعلاً .... فلا تلوم علي من لايملك خيار .... ولماذا لاتصنع الحكومة عازل بين الطرق السريعة والناس ككل البلاد المحترمة حتى لايتسبب طفل أو حيوان في مأساة ..... الواقع أنك لو نظرت للطرق الزراعية ستعلم أنك تعيش في بلد لم يسمع مسئوليها عن اختراع يحمل اسم الضمير

ميرام يقول...

كلام منطقي جدا
وموضوعي
(:
بس انت قلتها ..
احنا شعب عاطفي (:
وكل المواضيع بنتعامل معاها بأي شيء الا الفكر (:
أه والله
في الحياة الاجتماعية والدينية والسياسة (:

طب ماشوفتش الناس وهي بتسمع أوباما (:
هو على قد ماده حلو .. وقد ايه بتحس ان القلوب على بعضها ..
لكن بجد بتبقى مشكله كبيرة قوي ان الناس ماتبقاش عارفة تحكم بمصداقية وموضوعية على أي موقف

تفتكر ممكن نغير من طبيعة شعب (:
تقبل مروري
(:

osama44 اسامه 44 يقول...

ازيك يا حس
انا اسف انى اتخرت فى التعليق
قليلا منا من يفكر بموضوعيه
بوست جميل ورائع
دمت بخير وسعاده

د/عرفه يقول...

عندى ليك مفاجلأة يا حسام
ياريت تبقى تشوفها

أه
ومنتظر مشاركتك فى الاستفتاء كمان
ياريت متنساش

Unknown يقول...

فين يادكتور حسام
بموضوعية 2 دى ؟
انا جاية اجررررى
بالمشوار مالقيتش
حاجة !!عجبك كده؟
على العموم انا اعتبرنى
اول تعليق على الموضوع
الجديد لما ينزل :اتفقنا؟

Unknown يقول...

ولما نروح نشوف
دكتور عرفه محضرك
مفاجاااااااة ايه؟
تفتكر عامل حفلة
وجايب مكرونة بالبشاميل:)

حسام غانم يقول...

تامر علي
=========

كلامك صح تماما يا تامر

كل مثال أنا ذكرته له أبعاد كتير جدا تبقى موضوع لوحده

أنا بس خدت الجزئية الصغيرة اللي بتوضح كلامي من الأمثلة

نورت البوست يا تامر

حسام غانم يقول...

ميرام
=======

بالظبط يا ميرام

أنا وأنا بكتب كان موضوع أوباما ده مثال قوي في دماغي بس مكتبتوش عشان هيجذب الانتباه عن الفكرة الرئيسية

راجل عرف يلعب على عاطفتنا صح

عشان نقول امين على أي كلمة بيقولها

منوراني دايما يا شاعرتنا

حسام غانم يقول...

osama44
========

ولا يهمك يا أسامة باشا

منورني في أي وقت

حسام غانم يقول...

د/عرفه
=======

اه شفت المفاجأة

موضوع قوي يا عرفة باشا

ومكمل جدا فكرتي

بالنسبة للاستفتاء فحاضر إن شاء الله

حسام غانم يقول...

norahaty
==========

أنا برضه استغربت لما لقيت صورتي عالريدر وقولت البراوزر خرف

ونعتبرك أول رد في الموضوع الجديد :)

هدى التوابتي يقول...

السلام عليكم أنا أنا قرأت عن الموضوع ده عند د\عرفة قلت أشوف بتفسي...وبجد أنا بتفق معاك 100% إن إحنا شعب مش موضوعي خالص بس بالنسبة للبيوت الآيلة للسقوط في الأسكندرية...[صراحة أنا مش عارفة تقصد في منطقة أيه بالضبط بس انا ليا واحدة قريبتي ساكنة في بيت آيل للسقوط طلبوا منها أن هي تخلي البيت بس المشكلة هتروح فين... طبعا كان رد الحكومة طب أمضي تعهد أن لو البيت وقع عليكي أنت وعيلتك أنت المسؤلة بالكامل يعني الحكومة براءة ...نفسي أعرف تحلها هي إزاي بموضوعية؟
يعني تظن لو تم توفير مساكن كويسةكان الناس دي رفضت الحل الموضوعي وقبلت تعيش في بيوت آيلة للسقوط...
معلش وطولت عليك جدا بس بجد والله أنا بتفق معاك جدا إن إحنا شعب مش موضوعي خاااااااااااااااالص وجزاك الله خير

ناصــــر يقول...

السلام عليكم
إستمتعت و تشرفت بزيارة مدونتك الراقية فكرا

الخلل في الربط بين التفكير الوجداني و التفكير العقلي

هناك كتاب جميل أ.د.عبدالكريم بكار
فصول في التفكير الموضوعي

أسأل الله أن يحفظك
بالتوفيق

من أجل التمكين يقول...

زن الأمور بالعاطفة وحدها

بل و قد يعيب عليك الأخرون أنك لا تفعل مثل هذا

جزاكم الله خيرا

-

dr_meeting يقول...

يانهار أبيض يادكتور ، لأ طبعا العفو ..
أنا اللي كان المفروض أوضح ..
وربنا يوفقكم ويوفقنا ف الامتحانات ..

ايمان مجدى يقول...

موضوع جميل جداااا وموضوعى قوى
يمكن جزئية الطفل فكرتنى بالطرق السريعة زى الدائرى مثلا لما تلاقى حد بيعدى الشارع فى وسط عربيات مش مطلوب منها تمشى بالراحة ولو عربية خبطته يقولوا غلطة سواق والناس تدعى عليه برغم انهم فعلا لو ركزوا هيعرفوا ان دى غلطة اللى عدى الشارع وقال خليها على الله محدش بيموت ناقص عمر
العاطفة للاسف لوحدها متنفعش واحنا للاسف بنوزن اغلب المواضيع بالعاطفة بس

موضوع متميز كالمعتاد
تحياتى

Unknown يقول...

موضوع جميل جدا بل ممتاز
و تفكير صح انا معاك فيه لكن الصراحة مش كله
لانك ماتنفعش تنحى العواطف و تشغل العقل بس ولا العكس لكن لازم يكون فى حيادية فى التفكير و الحكم
يعنى مثلا ماقدرش اقول ان فى حالة حادثة الطفل ان اللوم على الطفل لان فى اغلب الاحيان بيكون السائق متهور و انا بشوف كتير جدا اللى بيسوقه فى المخالف و لو جيت عندنا هاتلاقى مركز الحوادث بما ان عندنا طريق سريع و التهور مافى اكتر منه
انا بشجع موضوع حضرتك جدا
جزاك الله خيرا

حياتى نغم يقول...

السلام عليكم / موضوع موضوعى جداً أحييك عليه ،
ولكن أخى حسام هناك بُعد من أبعاد شخصية الإنسان ونمطه يسمى البعد العاطفى أو الشعورى وهناك فئة كثيرة منه بين الناس لا يمكن إنكار هذا النمط يحتاج العالم له كثيراً .
ويقابله البعد المفكر أو المنطقى ومنه أيضاً الكثير ويحتاج إليه العالم .
ولكن المطلوب هو أينما كنت ندعوك للتروى والحيادية والتأمل قبل الحكم .
هذا هو المطلوب .
دمتَ موضوعياً .

حلم بيعافر يقول...

التفكير لو سبق العاطفة اتاكد ان اللى قدامك مش مصرى
طيب شفتنا امبارح لما غلبنا ايطاليا وقطعنا البرازيل؟
كنا بنلعب بقلوبنا مش برجلينا
بس مقدرش اقول ان العاطفة لما تسبق تفكير العقل شىء كويس
بس هى طبيعة تحس انها مزرةووعة فينا
فيه استثناءات بس قليلة جدا
لدرجة اننا بنقول عليهم مش مصريين

mimi يقول...

"ربنا اللي بيستر "
" عُك وربك يفُك "

" ليّس ليّس كله كويس "

شعارات المسئولين في جميع ادارات الجهات الرسمية وغير الرسمية وكمان البتنجانات المحشية ...

يبقي أنت أكيد أكيد في مصر ...

كله متلخبط متقدرش تعرف ايه الصح وايه الغلط

فاهم مني حاجة؟؟؟

تحياتك

حسام غانم يقول...

dody
=======

شرفتي المدونة في أول زيارة يا دودي

هو أنا أعرف إن الحكومة بتوفر أماكن بديلة للناس اللي بتخليهم يسيبوا بيوتهم

يمكن تكون أقل في المستوى شوية

عالعموم الموضوع فيه كلام كتير جدا

أنا قصدت هنا بس توضيح نقطة واحدة فيه كمثال

نورتي البوست يا دودي

حسام غانم يقول...

ALMOJADED
==========

سعدت جدا بزيارتك

وأشكرك على إثراء الموضوع

وإن شاء الله يدوم التواصل

حسام غانم يقول...

من أجل التمكين
==============

همممممممممم

هو أنا مش فاهم أوي

بس لو قصدك إن المفروض تبقى العاطفة بس هي المعيار في الحكم عالأمور

فأنا شايف إن ده غلط جدا

عشان هتبقى معرض للكثير من التضليل


بس يبدو إن أنا فهمتك غلط


عالعموم نورت البلوج في أول زيارة وإن شاء الله يدوم التواصل

حسام غانم يقول...

dr_meeting
============

شكرا يا دكتورة بس الواحد المفروض كان بيلقط الحاجات دي زمان

مش عارف الواحد بقى عامل كده ليه

حسام غانم يقول...

ايمان مجدى
============

ميرسي يا ايمان

وكالعادة وصلتي للي عايزه من الموضوع بالظبط

نورتي البوست

حسام غانم يقول...

بنوته صغيورة
============

ميرسي يا بنوتة ربنا يخليكي

أنا مش بقول ننحي العواطف خالص

أنا بقول ننحيها واحنا بنحكم على الحاجة بس

مش في حياتنا بصفة عامة

موضوع الحادثة ده طبعا ممكن السواق يكون هو الغلطان

ده غالبا كمان

أنا بقول بس إن نخلي فيه احتمال إن الطفل اللي غلطان


نورتي البوست

حسام غانم يقول...

حياتى نغم
==========

بالظبط يا حياتي نغم

البعدين لازم يكونوا موجودين

بس لحظة الحكم عالأمور لازم يبقى التفكير بالحكم العقلي بس


شكرا ليكي

نورتي البوست

حسام غانم يقول...

حلم بيعافر
=============

صح جدا

موضوع الكورة ده فيه كلام كتير عن العاطفة غعلا


منورني في أول مرور

وإن شاء الله يدوم التواصل

حسام غانم يقول...

mimi
=======

احم

هو أكيد معاكي حق يعني

منوراني دايما

Unknown يقول...

كلامك منطقى وصحيح بس الطريقة دى التحليل تحتاج لوقت حتى يستوعبها الفرد وتبقى العاطفة هى الأسرع دائما

hasona يقول...

السلام عليكم

موضوع جميل وهو أن يستغل الاعلام والفن الناحية العاطفية عند الشعب المصري أو عن الانسان

لكن في موضع الاسكندرية والدويقة
لازم الحكومة قبل ما تخلي الناس تجد لهم البديل
الدويقة فيه مليارات الجنيهات كانت جاية منحة من بلاد صديقة الي هذه المنطقة أين ذهبت هذه الاموال
اذا لو الحكومة بتبحث عن مصلحتي أنا - قبل أن تفكر في شئ تجد لي الحل
لا يمكن أن تخلي الناس وترميهم في الشوارع أو الايواء المؤقت - وله من المساوئ ما نعلمها

أم الثانوية العامة
فلابد للحكومة أن تنهض بمنظومة التعليم قبل أن تطور الامتحانات وكيفية وضعها
يعني هناك مجموعة كبيرة تشارك في وضع الامتحانات وهناك تطوير دائم لها لقياس قدرة الطالب واستيعابه من عدمه
اذا الاولي هو تطوير التعليم نفسه

وهكذا

نعم كما وضحت رؤيتك لسنا جميعا ملائكة
حتي الاخيار ليسوا كلي بمعني أن الانسان الجيد الخير لا يكون 100% أكيد فيه نسبة من الشر ولو ضئيلة
أكيد المسلسل يتكلم عن الانثي وعن كيفية ردها اذا جرحت

،،،،
طمنا عليك دائما
مع عزومة كبيرة ان شاء الله للنجاح والتفوق الكبير

تحياتي

مصطفى محمود يقول...

معك في كل كلمة
نحن عادة لا نفكر بعقولنا ولانشعر بقلوبنا.

وارى أصل المشكلة أصلا أننا لا نعترف دوما بأننا مخطئون , أو لا نريد أن نتصور أن يحدث هذا الشئ المشين !!
وعلى الجانب الآخر تجد المقابل الذي لا يلوم إلا نفسه , ويصل للاحباط بسرعة الصاروخ !!

العقلاء في المنتصف أعدادهم أقل و أصواتهم خافتة , "وربنا يخلي التلفزيون" !!

هذا المسلسل واشباهه ما هو إلا نتيجة للفراغ العقلي لمن كتبه ولمن نشره أو سمح له بالوجود , ولا أدري حقيقة ما هي "الغاية" من نشر مثل تلكم الأفكار على مستمعون , أكثرهم لا يفكر .

لا أحبذ فكرة المؤامرة , أو أحاول إيهام نفسي أنها غير موجودة , ولكن كل الخيوط تدلك عليها , ولكن على ما اعتقد أن المؤامرة على العقول لا أكثر , وليس من ورائها مستفيد في النهاية , هي مجرد تفكير بمنطق "على وعلى أعدائي"..

لنا الله ...


وتعليقا على مشكلة الثانوية العامة , فهي في النهاية ملخص لمشكلة التعليم في مصر , هي قمة هرم المشاكل التي تبدأ من الحضانة بأطفال يذهبون للحضانة ليتعاركوا وقد يمزقون ملابسهم , ثم ينتقل للإبتدائية ليتعلم أرقى صور الغش المدعوم من المجتمع والأهل , ثم يدخل الإعدادية ليتعرف على الجنس الآخر , ثم يصل للقمة ليجد نفسه في صراع مع واضع الإمتحان , وخلفه من يقول له إن نسبة 90% من المعلومات إنما تدل على فشل ذريع !!!


ماذا تنتظر من هؤلاء ؟!!!
أنا لا انتظر منهم شيئا الصراحة ..

محمد سعد القويري يقول...

الأخ الفاضل :: حسام غانم ::

أشكرك على هذا الطرح

وفعلاً علينا أن نحكم العقل والمنطق

لا عواطفنا

ولكن هذه هي هيمنة الإعلام
فمثلاً
تعدد الزوجات يصبح جريمة .. وهذا المثال يتكرر كثيرًا

شاكر لك مرة أخرى على هذا الموضوع

أبدعت

GiGi world يقول...

اولا مدونه رائعه لصاحبها الاروع
ثانيا كلام جميل وحلو وكلشئ
بس احنا بشر فى عقل وفى قلب
ومش سهل تظبط الريموت دلوقتى على القلب وبعدين اقلب على القلب
لازم هتستعمل الحالتين ده غير اللى اللى احنا فيه مابقاش يخلينا خلاص نفكر ولانستخدم مايسمى بالعقل
ودى طبيعتنا مش هنقدر نفصل القلب عن العقل
تحياتى

حسام غانم يقول...

egyboy
=========

ميرسي ايجي بوي

هي مش حكاية أسرع

هي طريقة تفكير عامة

وتوجيه عام للدماغ


نورتني بمرورك

حسام غانم يقول...

hasona
========

كلام جميل

وشكرا يا حسونة على سؤالك :)

عزومتك محفوظة طبعا

منورني دايما

Soul.o0o.Whisper يقول...

السلام عليكم ورحمة الله و بركاته

بص كلامك 90% منه بيكون حقيقى
ماعدا طبعا حكايةالعربيات اللى 90% منها بيكون بسبب السرعة الجنونية

لكن دا لا يمنع ان 10% بيكون بسبب اللى اتخبط
و انا شفت دا بنفسى
شاب من الشباب اياهم كان سايق عربيته فى الشارع فجاة بنت صغيرة خرجت من العمارة بتجرى
هو ضرب فرامل بس للاسف كان خبطها خبطة فى رجلها

البنت طبعا عيطت و الناس اتلمت
و اخدوا رقم العربية
بس الواد والله كان زوق و فضل مع البنت و انتى كويسة و مشاها كدا حبة و لما اطمن عليها مشى

بس لما مشى و اخدوا رقم عربيته قلت لهم انا و صاحبتى انها اللى غلطانة عشان شفناها طلعت مرة واحدة وهو ضرب فرامل
بس طبعا الناس اتعاطفت مع البنت و مش عارفة بلغوا عن العربية و لا ايه


مشكلتنا فعلااننابنقيمالامور بعواطفنا مش بعقلنا


دمت بود

حسام غانم يقول...

TeVa
=======

صح يا مصطفى

وصح جدا حتة العقلاء أصواتهم خافتة دي

التليفزيون خلا الكثير من الأخطاء حقائق ثابتة في حياتنا محدش بيناقشها

نورت البوست :)

حسام غانم يقول...

محمد سعد القويري
================

بالظبط يا محمد

تعدد الزوجات يصبح جريمة

والحب بين الفتى والفتاة يصبح رومانسية


سعيد دايما بمرورك

نورت البوست

حسام غانم يقول...

GiGi worled
============

شكرا لإطرائك يا جيجي

طبعا صعب جدا الفصل بين القلب والعقل في المواقف دي

ومحتاجة تدريب كبير


نورتي البوست

حسام غانم يقول...

Soul.o0o.Whisper
================

وعليكم السلام ورحمة الله وبركاته

أنا مش بقول إن الطفل دايما غلطان أنا بقول بس نخلي يعني الاحتمال ده في دماغنا

زي ما حكيتي كده

منوراني دايما يا سوول

هراء لا داعى له ..... يقول...

المقال دا جامد جدا يا حوحو