السبت، 22 أغسطس 2009

أخيرا أخيرا أخيرا


ازيكوا يا ولاد

وحشتوني كلكم والله نافر نافر

أخيرا أخيرا أخيرا

خدنا الأجااااااااااااااااااااازة

بعد صراع طويل مع امتحانات ماراثونية استمرت حوالي 3 شهور

وسط الصيف والحر والناس المأجزة

وبكده خلصنا سنة خامسة الحمد لله

ولأول مرة في مشواري الدراسي أقدر أقول عالسنة سنة وأنا قلبي مرتاح

سنة اتناشر شهر من تسعة لتسعة

ومن باب الافترا بقى

رحنا يوم المصيف

ونزلنا بحر ولعبنا كورة

ودخلنا سينما ألف مبروك وعمر وسلمى

ألف مبروك فيلم جامد جدا رغم إن القصة منسوخة من فيلم أجنبي

بس ده ما يقللش من تألق أحمد حلمي واجادته للدور

عمر وسلمى ده فيلم أقل ما يوصف بيه إنه فيلم متخلف

مجموعة غير مترابطة من المشاهد الهزلية

كفاية إنه قصة تامر حسني

ورجعت مرهق وعندي إصابتين في رجلي

ونمت زي الخرتيت

وصحيت بقى ونفكر نعمل ايه في الأجازة

وبما إن الامتحانات خلصت

فدي فرصة إن احنا نيجي للمدونة بقى

وننضفها من التراب اللي تراكم عليها

ونشيل خيوط العنكبوت

ونبدأ تدوين تاني بسم الله

ونهني كل الأمة الإسلامية والمجتمع التدويني بشهر رمضان

وكل سنة وانتوا طيبين 

هناك 58 تعليقًا:

VÖltaa يقول...

حمدالله عالسلامة ياباشا

والف مبروك عالرجوع
نورت المدونة

Lady E يقول...

كفااااااارة :)

ألف مبروك ان الامتحانات خلصت أخيرا

وكل سنة وانتا طيب وبخير ورمضان كريم

أحمد سعيد بسيوني يقول...

عودا حميدا

ومبروك عليك الاجازة

بس في حاجة نفسي افهمها

خرتيت ازاي بس







وانت ارفع مني

صوت من مصر يقول...

كل سنه وانت طيب وحصرى ياعم حسام

د. ياسر عمر عبد الفتاح يقول...

الف مبروووووووووووووووك
ازيك يا حسام
كل سنة وإنت طيب

عاوزين نشوفك بقي

د. ياسر عمر عبد الفتاح يقول...

الف مبروووووووووووووووك
ازيك يا حسام
كل سنة وإنت طيب

عاوزين نشوفك بقي

لاسع افندى يقول...

كل سنه وانت طيب وحمدالله على السلامه




تحياتى اللاسعه

hasona يقول...

السلام عليكم


حمد لله علي السلامة
وان شاء الله بالتوفيق والنجاح الباهر

كل سنة وانت طيب وبكل صحة وسعادة

ورمضاااااااان كريم

ايومي يقول...

كل عام وأنت بخير,
ومبروك الاجازة,
كويس انها جاية على رمضان علشان تعرف تستغله صح,فرصة غيرك مش طايلها.

Unknown يقول...

حمد الله عالسلامة يا دكتور والله لك وحشة جامد جامد جامد وبلوجر كان قرب يعلن اعتزاله عشان امتحاناتك

كل سنة وانت طيب وزى الفل

مستنيينك بقى

mimi يقول...

فينك من زمان

وحشتنا كتاباتك

كل سنة وانت طيب ورمضان كريم

انا دخلت عمر وسلمي 2 سينما مش عجبني

انما ألف مبروك ده حكااااااااااااااية

عجبني جداااااااااا

تحياتي

بسمـــة مســـــلّم يقول...

اولا حمدالله على السلامة وكل سنة وانت طيب نورت مدونتك ونورتنا رمضان كريم

محمد سعد القويري يقول...

الأخ الفاضل :: حسام غانم ::
ألف حمد الله عل السلامة
الصراحة
اشتقنا لكتاباتك وتعليقاتك

رمضان مبارك
وكل عام وأنت إلى الله أقرب

dramaqueen يقول...

مبروك مبروك

حمد الله على السلامة
اهم حاجة انك راضى عن نفسك

كل سنة وانت بخير
رمضان كريم

أبو العريف يقول...

واخيرا انت يا عم حسام

اولا مبرووووك الاجازه

ثانيا

حمدالله عالسلامه

وحشتنا جداااااااااااااااااا


ثالثا

كل عام وانت بألف خير

رمضان كريم

إيمان يقول...

يااااااااااااه حمدا لله على سلامتك
كويس انك رجعت سليم وحته واحده
رمضان كريم ومبارك عليك وعلينا
وبمناسبة رمضان بدعوك لحملة ( أدعي لمصر) ربنا ياخد بأيدها ويعفو عنها وعن شعبها
وكل سنة وانت طيب

ريمان يقول...

حمد الله ع السلامه



كل سنه وانت طيب

الف مبروك ع الرجوع

حسام غانم يقول...

Mo7ammed
==========

الله يبارك فيك يا محمد ده نورك

وإن شاء الله دايما في سعادة

حسام غانم يقول...

Lady E
========

الله يبارك فيكي يا ليدي

يااااااه هم وانزاح فعلا

وانتي طيبة ويكون أفضل رمضان تقضيه السنة دي

حسام غانم يقول...

أحمد سعيد بسيوني
===============


الله يبارك فيك يا أحمد

ربنا يتقبل منا رمضان جميعا


احم

هو الخرتيت تخين اه

بس يعني باين عليه إنه بينام بعمق يعني :)

واحشني كتير كتير كتير

نورت البوست

حسام غانم يقول...

صوت من مصر
==========

وانت طيب يا كيمو باشا

حسام غانم يقول...

د. ياسر عمر عبد الفتاح
=====================

الله يبارك فيك

ووانت طيب

ورمضان كريم

وإن شاء الله نتقابل قريب

أنا موجود بعون الله في أي تجمع

منورني دايما

حسام غانم يقول...

لاسع افندى
===========

وانت طيب يا لاسع بيه ( رقيتك أهو )

الله يسلمك

ومنورني دايما

حسام غانم يقول...

hasona
========

وانت طيب يا حسونة الله يسلمك

وربنا يوفقك في رمضان

حسام غانم يقول...

ايومي
=======

الله يبارك فيكي يا أيومي

وربنا يوفقنا جميعا لحسن استغلال رمضان

حسام غانم يقول...

enjy
=====

ياااااااه

الله يسلمك يا إنجي ربنا يخليكي

وخلي بلوجر يتراجع عن فكرة الاعتزال بقى

منوراني دايما

غير معرف يقول...

الف مبرووووووك

واجازة سعيددة يارب

ليك وحشة والله

ربنا يوفقك ويسعدك

وكل سنة وانت طيب يارب

رمضان كريم

mohamed ghalia يقول...

كل سنة وانت طيب ياباش
ورمضان السنادى يكون احلى من الى فات

Hajar Jackoub يقول...

حمد لله على السلامة ... أخيرا فعلا! إيه الغيبة ديه كلها؟؟؟ بس ربنا يسهلكوا في امتحاناتكم الفظيعة ديه :D
بانتظار المزيد من تدويناتك و رمضان مبارك عليك

حسام غانم يقول...

mimi
=======

ثانك يو ميمي وانتي طيبة

لا فعلا أحمد حلمي بقاله كام فيلم بيختار أفلامه كويس

منوراني دايما

ورمضان كريم

حسام غانم يقول...

بسمـــة مســـــلّم
================

الله يسلمك يا بسمة وانت طيبة

ربنا يخليكي يا رب

منوراني دايما

حسام غانم يقول...

محمد سعد القويري
=============

الله يسلمك يا محمد

وانت كمان من أكتر الناس اللي افتقدتهم في الفترة اللي فاتت

رمضان كريم

dr_meeting يقول...

السلام عليكم ..
حمد الله على السلامة ، أجازة سعيدة ،
و رمضان مبارك ان شاء الله :) ..

حسام غانم يقول...

dramaqueen
=============

الله يبارك فيكي + الله يسلمك + وانتي طيبة + رمضان كريم

نورتي البلوج

حسام غانم يقول...

أبو العريف
===========

إزيك يا أبو العريف باشا

انت أكتر والله

الواحد معادش يعرف يسيب عالم التدوين ده خلاص


منورني دايما

تامر علي يقول...

حمدالله على السلامه
وعوداً أحمد ومحمود وكل حاجه:)

في اتنظار جديدك :)

walaa rizk يقول...

حمد لله على سلامتكم

وعقبال البكالوريس وتخلصوا ان شاء الله

Unknown يقول...

وانت بالف صحة وسلامة
يادكتورررررررررررر
حمدلله على السلامة ويارب
نبارك على النجاح قريب
طمنا على النتيجة بسرعة

حسام غانم يقول...

إيمان
======

الله يسلمك يا إيمان وكل سنة وانت طيبة

ايه حملة أدعي لمصر دي مشوفتهاش

رمضان كريم

حسام غانم يقول...

ريمان
======

الله يسلمك يا ريمان ميرسي كتير

الله يبارك فيكي رمضان كريم

نورتي البلوج

حسام غانم يقول...

ঔღঔ نـــوارة ঔღঔ

الله يبارك فيكي يا نوارة ميرسي كتير

كل سنة وانت طيبة وبصحة وسعادة



رمضان كريم

أحمد سعيد بسيوني يقول...

ألف مبروك على النجاح يا برنس

وعقبال الدكتوراة

blue-wave يقول...

الف مبروك يا بطل

كيكى عوووووو يقول...

لولولولولىىىىىىىىىىىىىىى
مبرووووووووووووووووووووك
وانا معاك عى رايك ع الف مبروك
والفيلم المعجزة عمرو وسلمى

well يقول...

حمدالله على السلامة

Unknown يقول...

السلام عليكم ورحمة
الله تعالى وبركاته
وكل عام وأنت بخير
يادكتور حســــــــــام
عيد سعيد وعمر مديد
فى طاعة الله والعمل الصالح

Unknown يقول...

ازيك يا دكتور

عيد فطر مبارك عليك
:-)

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

osama44 اسامه 44 يقول...

;g كل سنه وانت طيب
اه صحيح ما تنساش العيديه

تأثير الفراشة يقول...

كل سنة و حضرتك طيب يا دكتور و فى أحسن حال

ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله

عيــــــد سعيــــــد

غير معرف يقول...

سمدلله ع الحلامة يا حسااااااااام

ياللا ورينا يا حسام الابداع والبتاع :)

مها ميهوووو

فكرة من الزمن ده يقول...

حمد الله ع السلامة يا حسام وشكلك بدات السنة الاتناشراية ربنا يعينك انت وكل الناس اللي زيك
والف سلامة

OldCatLady يقول...

متأخرة أنا عارفة

بس مبــــروك

:))

أنت رحت فين كل ده؟

Unknown يقول...

ارجو أن تكون
بخير ياطـــبيب
المستقبل:)

غير معرف يقول...

سلام عليكم ..معلش انا بعلق على مدونتك بعد الهنا بسنه..مدونتك فعلا جميله جدا وفريده جدااااا فياريت لو ابدعات السنه دى2010 ماتبخلش علينا بيهاوان شاء الله تكون احلى من كل اللى االفات.............((د.شاكى))

MǿиY El-Shreef يقول...

هو انت اعتزلت التدوين ولا ايه

فينك

غير معرف يقول...

فيييييييييييينك